Fakta om Forsvaret 2004 samisk - Kap 3

Ovddasvástádusjuohku Norggas

Gonagas lea Vuoddolága mielde alimus militeara befálaolmmái riikkas. Dát váldi doaimmahuvvo stáhtarádis, namalassii Ráddehus. Ráddehus dahká mearrádusaid sierra ráddehuskonferánssain main gonagas ii oassálastte. Dehálaš áššemearrádusaid dohkkeha gonagas formálalaccat stáhtarádis.

Suodjalusministtar jodiha Suodjalusdepartemeantta ja sus lea konstitušuvnnalaš ja parlameantárlaš ovddasvástádus Suodjalusa doibmii. Buot áššiid maid eai meannut stáhtarádis mearrida suodjalusministtar dahje su olis. Nu gohcoduvvon militeara kommándoáššiid, áššit mobiliserenplánaid ja suodjalusplánaid dáfus, eai meannut stáhtarádis. Suodjalusministtar cilge dakkár áššiid Gonagassii ja dalle leaba dušše stáhtaministtar ja olgoriikaministtar su fárus. Ortnega geavahit hui hárve.

Suodjalushoavda lea riikka bajimus militeara ámmátolmmái ja Ráddehusa ja suodjalusministara ráddeaddi militeara gažaldagain. Suodjalushoavda lea Suodjalusa militeara organisašuvnna (SMO) hoavda, ja lea maid seammás Suodjalusdepartemeantta bajimus militeara ráddeaddi. Suodjalushoavdda doarjjaapparáhtta gávdno sihke ovttaiduvvon departemeanttas ja Suodjalusbargogottis. Suodjalusbargogoddi lea ásahuvvon veahkehit suodjalushoavdda etáhttastivret Suodjalusa militeara organisašuvnna. Suodjalusa militeara operatiivva oasi jodiha operatiiva váldobáiki (SOVB) mas leat guokte riikaoassekommándo (ROK) iežas vuolde.

Ráfi áigge lea Suodjalushoavddas dábálaš kommándo Norgga suodjalusa badjel. Soadis joatká suodjalushoavda leat Ráddehusa lagamus militeara ráddeaddin, ja eaktuduvvo ahte kommándováldi sirdojuvvo Nato ovttaiduvvon kommándostruktuvrii.