Gonagas lea odne stáhtarádis nannen Stuorradikki láhkamearrádusa rievdadit e.e. sámelága. Lága sáni mielde láhka doaibmagoahtá dálánaga.

Dás lea sámi leavga ásahuvvon Norgga láhkamearrádusaide. Dat lea dahkkon dainna lágiin ahte leavga namahuvvo dan lágas mii guoská gielddaid almmolaš visttiid levgemii, seammás go sámediggi sámelága vuođul beassá mearridit láhkaásahusaid leavgga geavaheami birra.

- Lean hui ilus go levgen sámi leavggain viimmat lea ásahuvvon Norgga láhkamearrádusaide, dadjá stáhtačálli Anders J. Eira Gielda- ja guovludepartemeanttas.