Aktiver Javascript i din nettleser for en bedre opplevelse på regjeringen.no

Historjjálaš arkiiva

Ellen Inga Hætta stádacálli KRD:s

Historjjálaš arkiiva

Almmustahttináigodat Regjeringen Bondevik II

Almmustahtti: Kommunal- og regionaldepartementet

Gonagas lea stádaráđis odne nammadan boazodoallohoavdda Ellen Inga Olavsdatter Hætta (51), Guovdageainnus, stádačállin stádaráđđái Erna Solbergii Gielda- ja guovludepartemeanttas golggotmánu 22. beaivvi 2004 rájes. (15.10.2004)

Preassadieđáhus

Nr.: 163/2004
Beaivi: 15.10.2004

[ Norsk versjon ]

Ellen Inga Hætta stádačálli KRD:s

Ellen Inga Hætta. Foto: Kristell Herland, KRD

Gonagas lea stádaráđis odne nammadan boazodoallohoavdda Ellen Inga Olavsdatter Hætta (51), Guovdageainnus, stádačállin stádaráđđái Erna Solbergii Gielda- ja guovludepartemeanttas golggotmánu 22. beaivvi 2004 rájes. Son boahtá Anders Eira maŋis, guhte maŋŋel ohcamuša beasai luohpat árpmu bokte golggotmánu 8. beaivvi.

Hættas lea oahpaheaddjioahppu ja sus lea sámegiela vuođđofága.

1992-1993 čađahii son Suodjalusa Allaskuvlla váldokurssa.

Ellen Inga O. Hætta lei oahpaheaddjin Guovdageainnu mánáid- ja nuoraidskuvllas 1973 rájes gitta 1987 rádjái, direktevran Sámi oahpahusráđis 1994 rájes gitta 1999 rádjái ja Sámedikki ossodatdirektevran 1999 rájes gitta 2001 rádjái. 2001:s lea son boazodoallohoavda Norggas.

Sus leat 1981 rájes leamaš moanat suohkanlaš ja guovllu barggut maidda lea válljejuvvon. Son lei Guovdageainnus sátnejođiheaddji 1988 rájes gitta 1991 rádjái, ja lei miellahttun Davviguovllulávdegottis, lea Romssa universitehta ja Davvi dearvvašvuođa stivralahttu. Son lei jođiheaddjin Guovdageainnu Olgešbellodagas 1992 rájes 1994 rádjái.

Bajás