Boazodoallolága rievdadus
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 05.04.2016 | Maŋimuš ođasmahttojuvvon: 11.04.2016
Ráđđehus lea otne sádden Stuoradiggái árvalusa rievdadit boazodoallolága § 60. Árvalus mearkkaša ahte fylkkamánni oažžu válddi mearridit bajimus boazologu juohke siiddaoassái.
– Dál lea vuosttas geardde máŋgga jahkái ahte mis lea boazolohku mii lea heivehuvvon guohtumiidda. Láhkarievdadussii lea dárbu sihkkarastit ahte boazolohku ii bajiduvvo, cealká eanadoallo- ja biebmoministtar Jon Georg Dale.
– Árvalus addá fylkkamánnii válddi bearráigeahččat ahte boazoeaiggádat eai lasit boazologu mearriduvvon ulbmiliid vuostá, dadjá Dale.
Dán ráđđehusa boazodoallopolitihkalaš ulbmil lea ovddidit ekologalaš ceavzilis boazodoalu mii nanne ekonomalaš birgejumi ja ovddida eallinfámolaš boazodoalloservodagaid.
Siskkáldas iešstivrejupmi
Rievdadussii lea dárbu hehttet boazoeaiggádiid lasiheames boazologu, ja láhkamearrádus galgá geavahuvvot dušše dalle go siskkáldas iešstivrejupmi ii doaimma boazodoalus.
Daid oktavuođain goas fylkkamánni mearrida boazologu ovttaskas siidaoassái, de addo vejolašvuohta guovtti dahje eanet siidaosiide ođđasit juogadit boazologu. Dáinna lágiin vuhtiiváldit siskkáldas iešstivrejumi sihke ovdal ja maŋŋil go fylkkamánni vejolaččat čađaha diekkár mearrádusa.