Boazodoallu: Ođđa šiehtadusa soahpan

Boazodoallu: Norgga Boazosápmelaččat Riikkasearvi (NBR) ja Stáhta sohpe odne ođđa Boazodoallošiehtadusa šiehtadusjahkái 2009 - 2010. Šiehtadusas leat deaŧalaš rievdadusat dain doarjjaortnegiin, mat gusktet Oarje-Finnmárkku boazoguohtunguvlui, ja dan ulbmil lea váikkuhit boazologu vuolideami ja buoret heiveheami.

Šiehtadusa rámma lea 101 miljon ruvnnu, mii lea 4 miljon ruvnnu lassáneapmi 2008 – 2009 šiehtadusa ektui.

• Suoidnemánu 1. b. 2009 - geassemánu 30. b. 2010 boazodoallošiehtadus oktan loahppaprotokollain 

- Lean hui duhtavaš dáinna šiehtadusain, dadjá eanandoallo- ja biebmoministtar Lars Peder Brekk. Šiehtadusas lea čielga profiila mii váldá vuhtii njuovvanhivvodaga ja váikkuha ceavzilis boazodollui.

Nana arvvosmahttin
Oarje-Finnmárkku boazoguohtunguovllus lonuhuvvojit ovddeš miessenjuovvandoarjjaortnegat ja árranjuovvandoarjjaortnegat ođđa doarjagiin mas boazoeaiggádat fertejit ollašuhttit mearriduvvon njuovvangáibádusa. Dát lea ásahuvvon nana arvvosmahttimin guovllu buot boazoeaiggádiidda vai boazolohku unniduvvo ja heivehuvvo.

Ekonomiija buorideapmi
Šiehtadus buorida orohagaid ekonomiija mearkkašahtti láhkai. Orohagain lea deaŧalaš rolla ođđa boazodoallolága čuovvolanbarggus. Lága vuođul galget orohagat ráhkadit geavahannjuolggadusaid resursahálddašeami várás.
Eará deaŧalaš rievdadusat šiehtadusas leat guođohanbartadoarjagiid njuolggadusaid rievdadus. Oktasaš barttaid geavaheapmi vuoruhuvvo.
Loatnaortnet ealihanbohccuid oastimii heittihuvvo, seammásgo doarjagat nuoraide geat álget ealáhussii buolvamolsuma bokte, nannejuvvojit mearkkašahtti láhkai.

Boazodoallu: Norgga Boazosápmelaččat Riikkasearvi (NBR) ja Stáhta sohpe odne ođđa Boazodoallošiehtadusa šiehtadusjahkái 2009 - 2010.