Carsten Smith jođiha lávdegotti mii galgá čielggadit sámiid ja earáid vuoigatvuođa guolástit mearas Finnmárkku olggobealde
Historjjálaš arkiiva
Almmustahttináigodat Regjeringen Stoltenberg II
Almmustahtti: Guolástus- riddodepartemeanta
Preassadieđáhus | Almmustahtton: 30.06.2006 | Maŋimuš ođasmahttojuvvon: 11.12.2006
Finnmárkkulága meannudeami oktavuođas ávžžuhuvvui Ráđđehus čielggadit gažaldaga das makkár vuoigatvuođat sámiin ja earáin leat guolástit mearas Finnmárkku olggobealde. Finnmárkkuláhka gieđahallá Finnmárkku eatnamiid, jávrriid ja čázádagaid geavaheami ja dáid resurssaid vuoigatvuođaoamasteami. Láhka ii válddahala mearraguolásteami.
Preassadieđáhus
Nr.: 58/2006
| Seniorrådgiver Richard L. Pedersen, tlf. 22 24 64 96 |
Carsten Smith jođiha lávdegotti mii galgá čielggadit sámiid ja earáid vuoigatvuođa guolástit mearas Finnmárkku olggobealde
Finnmárkkulága meannudeami oktavuođas ávžžuhuvvui Ráđđehus čielggadit gažaldaga das makkár vuoigatvuođat sámiin ja earáin leat guolástit mearas Finnmárkku olggobealde. Finnmárkkuláhka gieđahallá Finnmárkku eatnamiid, jávrriid ja čázádagaid geavaheami ja dáid resurssaid vuoigatvuođaoamasteami. Láhka ii válddahala mearraguolásteami.
- Čielggadeapmi šaddá leat hui mávssolažžan sápmelaččaide ja muđui Finnmárkku ássiide, ja lávdegotti viiddis čoahkádus ja viiddis gelbbolašvuohta sihkkarastá ahte lávdegotti evttohusat ja rávvagat leat bures digaštallojuvvon ja nannosit vuođđuduvvon sihke juridihkalaš ja guolástanfágalaš eavttuide, dadjá guolástusministtar Helga Pedersen.
Lávdegotti bargomearrádus lea ráhkaduvvon ovttasráđiid Sámedikkiin ja Finnmárkku fylkkagielddain.
Lávdegoddi galgá geiget iežas čielggadeami maŋimusat juovlamánu 31. beaivvi 2007.