2,7 miljárdda guolástushápmaniidda

Ráđđehus lea várren 2,7 miljárdda ruvnno Našunála fievrredanplánas 2014-2023 guolástushápmaniidda ja suohkanlaš guolástushápmanrusttegiid doarjagiid várás.

-Guollefatnasat šaddet ain stuorábut ja dálkkádatrievdamat sáhttet addit eambbo ekstremadálkki. Guolástushápmaniid huksemat veahkehit dahkat dili álkibun guolásteddjiide ja nálástahttinindustriijii gáttis, dadjá guolástus ja riddoministtar Lisbeth Berg-Hansen.

Doaimmat masa Našunála fievrredanplánas leat várrejuvvon ruđat vuosttažettiin galget adnot čiekŋudahttit mearrageainnuid ollegoahtimis hápmaniidda ja guovlluid hápmaniid siste, dasa lassin bárrobuođđohuksemiidda ja bárrobuođđonannemiidda.