Sáidenuohttun rahppo Nuorta-Finnmárkku vuotnalinjjáid siskkobealde
Historjjálaš arkiiva
Almmustahttináigodat Regjeringen Stoltenberg II
Almmustahtti: Guolástus- riddodepartemeanta
Preassadieđáhus | Nr: 79/2013 | Almmustahtton: 08.07.2013
Guolástus- ja riddodepartemeanta mieđiha ahte golmma guovlluin Nuorta-Finnmárkkus galget badjel 15 mehtera guhkkosaš fatnasat beassat bivdit vuotnalinjjáid siskkobealde, ja nu spiehkastit bivdingildosis.
Guolástus- ja riddodepartemeanta mieđiha ahte golmma guovlluin Nuorta-Finnmárkkus galget badjel 15 mehtera guhkkosaš fatnasat beassat bivdit vuotnalinjjáid siskkobealde, ja nu spiehkastit bivdingildosis.
Árabut dán jagi mearriduvvui dábálaš gielddus badjel 15 mehtera guhkkosaš fatnasiidda bivdit siskkobealde vuotnalinjjáid. Geassemánus rahppui vejolašvuohta badjel 15 mehtera guhkkosaš fatnasiidda nuohttut sáiddi vuotnalinjjá siskkobealde ráddjejuvvon guovllus Oarje-Finnmárkkus. Dál vástideaddji spiehkastat maiddái mearriduvvo Porsáŋgguvuona ja Lágesvuona olggut guovlluin, ja guvlui mii lea gaskal Várggáid ja Birgenjárgga.
Dát namuhuvvon guovllut leat rahpon bivdima várás gitta 2013 skábmamánu 30. beaivvi rádjai. Dán áigodagas galgat háhkat dieđuid dán guolásteamis ja mat dasto sáhttet adnot buoret diehtovuođđun boahttevaš reguleremiidda.