Eambbo Nordlándda kulturdoaimmaide
Historjjálaš arkiiva
Almmustahttináigodat Regjeringen Stoltenberg II
Almmustahtti: Kultur- ja girkodepartemeanta
Preassadieđáhus | Nr: 197/09 | Almmustahtton: 13.10.2009
Oassin lávdedáiddadieđáhusa čuovvoleamis ja lassánan ealáhatgoluid várás lasiha ráđđehus doarjaga Nordlándda Teáhterii 2,5 miljovnna kruvnnuin nu ahte šaddá 22,4 miljovnna kruvnno.
Oassin lávdedáiddadieđáhusa čuovvoleamis ja lassánan ealáhatgoluid várás lasiha ráđđehus doarjaga Nordlándda Teáhterii 2,5 miljovnna kruvnnuin nu ahte šaddá 22,4 miljovnna kruvnno.
Samorganisajonen for kunstformidling i Nord-Noreg (SKINN)(Davvi-Norgga dáiddagaskkusteami searveorganisašuvdna) oažžu 500 000 kruvnno eambbo nannen dihte iežas rolla Davvi-Norgga kulturgaskkustanbeallin.
Museum Nord oažžu 1 miljovnna kruvnno eambbo nu ahte juolludus šaddá oktibuot sullii 12,2 miljovnna kruvnno 2010:s. Lofoten Viking Museum lea 2009 rájes ovttastuvvon Museum Nord:in. Juolludus Davvi-Norgga Dáiddárguovddážii lasihuvvo 450 000 kruvnnuin nu ahte 2010 juolludus šaddá veahá vuollel 5,2 miljovnna kruvnno.
Doarjja Davvi-Norgga Opera ja Symfoniijaorkesterii lassána 10,2 miljovnna kruvnnuin, dasa gullet maiddái ruđat lassánan ealáhatgoluide ja ođđa čuojaheaddjevirggiide ja turnemátkkiide riikkaoasis, nu ahte 2010 juolludus šaddá 36,3 miljovnna kruvnno. Doarjja mii 2009:s lei juolluduvvon Bodø Sinfonietta:i, Bodø Musikkteaterii, Opera Nordii Tromsa ja Tromssa Symfoniorkesterii lea sirdojuvvon ođđa vuođđudussii.
Davvi-Norgga Riikaguovlomusihkkariidda (Landsdelsmusikerne i Nord-Norge) lasihuvvo 1 miljovnna kruvnno nu ahte juolludus šaddá veahá vuollel 17,2 miljovnna kruvnno.
2010:s juolluduvvo 10 miljovnna kruvnno investerendoarjjan Budeaju kulturkvartála prošekteremii. Dasto lohppiduvvo maŋit jagiide vel 151 miljovnna kruvnno. Huksenprošeavttas leat earet eará konsearta- ja teáhtervisti, govvadáidaga čájáhuslatnja, blackboks ja girjerájus. Plána mielde álggahuvvo huksen 2011:s ja gárvana 2013/2014 jahkemolsašumis.
2010:s juolluduvvo ođđa Hamsun-guovddážii Hápmiris 15 miljovnna kruvnno investerendoarjjan. Ovdal lea juolluduvvon 17 miljovnna kruvnno doarjjan huksenprošektii. Guovddáš oktan čájáhusaiguin galgá plána mielde rahppojuvvot álbmogii geassemánus 2010.
Kultur- ja girkodepartemeantta bušeahta ollislaš juolludus Nordlándii 2010:s, lea sullii 88,9 miljovnna kruvnno.
Dasa lassin bohtet eará lassáneamit Nordlándi buorrin, ovdamearkka dihte 4 miljovnna kruvnno davviguovllodoaimmaid várás ja 10 miljovnna sámi kulturulbmiliidda, mas 3,3 miljovnna kruvnno manná Sámedikki vuollásaš kulturulbmiliidda.
|
Doaibma Buot logut 1000-kruvdnon |
Mearrádus |
Rievdadus |
Evttohus 2010 |
|
Davvi-Norgga riikaguovlomusihkkarat |
16 163 |
1 000 |
17 163 |
|
Museum Nord |
11 161 |
1 000 |
12 161 |
|
Nordlándda Teáhter AS |
19 907 |
2 500 |
22 407 |
|
Davvi-Norgga Dáiddárguovddáš |
4 745 |
453 |
5 198 |
|
Davvi-Norgga Opera ja Symfoniijaorkester |
26 092 |
10 231 |
36 323 |
|
Davviguovlludoaimmat, dás maiddái Norgga- |
5 000 |
4 000 |
9 000 |
|
Samorganisasjonen for kunstformidling i Nord-Norge - SKINN |
1 381 |
500 |
1 881 |
|
Hamsunguovddáš (investerendoarjja) |
16 000 |
|
15 000 |
|
Budeaju kulturkvartála (investerendoarjja) |
10 000 |