Viiddis kulturáŋgiruššan Tromssas
Historjjálaš arkiiva
Almmustahttináigodat Regjeringen Stoltenberg II
Almmustahtti: Kultur- ja girkodepartemeanta
Preassadieđáhus | Nr: 206/09 | Almmustahtton: 13.10.2009
2010 stáhtabušeahtas čuovvola ráđđehus lávdedáiddadieđáhusa ja lasiha doarjaga Hålogalándda Teáhterii 2,5 miljovnna kruvnnuin, nu ahte šaddá 41,1 miljovnna kruvnno.
2010 stáhtabušeahtas čuovvola ráđđehus lávdedáiddadieđáhusa ja lasiha doarjaga Hålogalándda Teáhterii 2,5 miljovnna kruvnnuin, nu ahte šaddá 41,1 miljovnna kruvnno.
Juolludus galgá maiddái gokčat teáhtera ealáhatgoluid mat leat lassánan.
Davvi-Norgga Dáiddamuseii lasihuvvo 1,5 miljovnna kruvnno mii mearkkaša ahte 2010 juolludus šaddá sullii 15,2 miljovnna kruvnno. Sullii miljovdnabealli galgá buhtadit viessoláiggu.
Ája Sámi Guovddáža ođđa dávvirvuorká- ja girjerájuslanjaide Gáivuonas juolluduvvo 7,3 miljovnna kruvnno investerendoarjjan 2010:s. Prošeakta galgá čađahuvvot 22 miljovnna kruvdnosaš rámma siskkobealde, mii maiddái gokčá goluid čájáhusaide ja biergasiidda. Plána mielde galgá huksen álggahuvvot 2009:s.
Doarjja Davvi-Norgga Opera ja Symfoniijaorkesterii lassána 10,2 miljovnna kruvnnuin. Dat lea oktan ruđaiguin mat galget gokčat lassi ealáhatgoluid ja ođđa čuojaheaddjevirggiid ja turnemátkkiid riikkaoasis. 2010 juolludus šaddá 36,3 miljovnna kruvnno. Juolludus mii 2009:s lei várrejuvvon Bodø Sinfonietta:i, Bodø Musikkteaterii, Opera Nordii Tromsa ja Tromssa Symfoniorkesterii lea sirdojuvvon ođđa vuođđudussii.
Doarjja Davvi-Norgga Riikaguovlomusihkkariidda (Landsdelsmusikerne i Nord-Norge) lasihuvvo 1 miljovnna kruvnnuin nu ahte juolludus šaddá sullii 17,2 miljovnna kruvnno.
Juolludus sámi kulturulbmiliidda lassána 10 miljovnna kruvnnuin. Das manná 3,3 miljovnna kruvnno Sámedikki vuollásaš kulturulbmiliidda, mii dalle oažžu oktiibuot 65 miljovnna kruvnno 2010:s.
Juolludus Davviguovllodoaimmaide lassána 5 miljovnnas 9 miljovnna kruvdnii.
Dan plána olis mii ovddiduvvui St.dieđ. nr. 8:s (2007-2008) Kulturell skulesekk for framtida (Kultuvrralaš skvlalávka boahtteáigái), galget Kultuvrralaš skuvlalávkka speallanruđat biddjot stáhtabušehttii oassin dábálaš juolludusas daidda geat ovdal ožžo speallanruđaid. Vuosttaš bealli biddjui 2009:s, nubbi bealli galgá biddjot 2010:s. Ruđaid sirdin Davvi-Norgga Diehtoguovddážii (Nordnorsk Vitensenter) evttohuvvo leat sullii 500 000 kruvnno 2010:s.
Kultur- ja girkodepartemeantta bušeahta ollislaš juolludus Tromsii lea sullii 90 miljovnna kruvnno 2010:s.
|
Doaibma Buot logut 1000-kruvdnon |
Mearrádus 2009 |
Rievdadus |
Evttohus 2010 |
|
HålogalánddaTeáhter |
38 598 |
2 500 |
41 098 |
|
Davvi-Norgga Riikaguovlomusihkkarat |
16 163 |
1 000 |
17 163 |
|
Davvi-Norgga Dáiddamusea |
13 669 |
1 504 |
15 173 |
|
Davvi-Norgga Opera ja Symfoniijaorkester |
26 092 |
10 231 |
36 323 |
|
Davvi-Norgga Diehtoguovddáš - skuvlalávkaruđat |
468 |
498 |
966 |
|
Davviguovllodoaimmat, dás maiddái Norgga-Ruošša |
5 000 |
4 000 |
9 000 |
|
Lulli-Tromssa musea |
7 228 |
500 |
7 728 |
|
Ája Sámi Guovddáš (investerendoarjja) |
5 200 |
|
7 300 |