Konsešuvdna ođđa el-fápmolinjjáide huksemii Ofuohtas Nordlánddas Báhccavutnii Romssas

Oljo- ja energiijadepartemeanta lea odne mearridan váiddaášši maŋŋil NČE mearrádusa, ja juolludan Statnettii konsešuvnna hukset ja doaimmahit ođđa 420 kV guovddášfierpmádatjohtasa Ofuohta rájes Nordlánddas Báhccavutnii Romssas. NČE mearrádusa ledje earret eará boazodoalu ja báikkálaš beroštumit váidán.

- Dát ođđa jođas lea dat buoremus čoavddus  váráiduhttinsihkarvuhtii guvlui mii lea gaskal Ofuohta ja Báhccavuona.  El-fápmolinjjá dagaha ahte geavaheapmi lassána guovllus, ja daga vejolašvuođa čatnasit eanet ođasmuvvi energiijabuvttadeapmái. Nannemis ja buorideames el-fápmolinjjá Ofuohta rájes lea maiddái eaktun fierpmádaga ođasteapmái Davvi-Romssas ja Finnmárkkus, cealká oljo- ja energiijaministtar Ola Borten Moe.

Lea maiddái dárbbašlaš nannet váráiduhttinsihkarvuođa dán guovllus vai unnida riska ahte el-fápmo sirdin oalát bisána stuorra guovlluin Davvi-Norggas Ofuohta davábealde. Dát lea dehálaš jus galget ásahit ja ovdánahttit industriija ja eará ealáhusdoaimma, ja láhčimis ođasmuvvo buvttadeami dán riikkaoasis.

Vuođđun lea ahte ođđa el-fápmolinjjá galgá huksejuvvot bálddalaga juo gávdni 420 kV linjjá.  Dálá 132 kV linjjás galgá 100 km gaikojuvvot ođđa linjjá huksema olis. 

Boazodoalu ja eará sámi beroštumiin váidagat leat dárkilit gieđahallojuvvon. Departemeanta lea mearridan ahte el-fápmolinjjá geinnodat Kvernmo báikkis Rivttágis galgá sirdojuvvot seammás go leat mearridan eavttuid váidudeaddji doaibmabijuiguin boazodoalu vuhtiiváldima dihte. Kjosvatn báikkis i Báhccavuonas lea geinnodat sirdojuvvon eanadatberoštumiid dihte báikkálaš beroštumiid váidagiid vuođul.

Vedtaket - (bokmål)

Lenke til oversiktskart Ofoten-Balsfjord.