Láhkaásahus Ruhtadanportála dieđihangeatnegasvuođaid birra

Ruhtadandepartemeanta lea otne mearridan láhkaásahusa mii geatnegahttá dáhkádusfitnodagaid mat fállet vahátdáhkádusaid addit dieđuid Ruhtadanportálii. Rievdadusat mielddisbuktet ahte geavaheaddjit álkidit fidnejit oppalaš dieđuid hattiid ja eavttuid birra vahátdáhkádusmárkanis.

Ruhtadanportála lea neahttavuđot diehtobálvalus ruhtadoaimmaid ja bálvalusaid várás mat fállojuvvojit geavaheddjiide. Ruhtadanportálii čohkkejuvvojit dáhkádusfitnodagaid dieđut hattiid ja eavttuid birra mat gusket biila-, viesso-, stohpogálvo- ja mátkedáhkádusaide.

-Ruhtadanportála buohtastahttinbálvalus lea buorre geavaheddjiide go das oažžu dieđuid johtilit, ja dat sáhttá maid váikkuhit ahte gilvu buorrána dákkár márkanis. Jos vel fitnodagat addet ge dieđuid eaktodáhtolaččat, de láhkaásahus maid mii dál mearridat sihkkarastá dievaslaš bálvalusa, cealká ruhtadanministtar Sigbjørn Johnsen.

Láhkaásahusa rievdadeamit mearkkašit ahte olgoriikka oalgefitnodagat Norggas geatnegahttojuvvojit addit dieđuid Ruhtadanportálii. Ruhtadanbearráigeahčču sáhttá dasa lassin mearridit ahte dáhkádusfitnodagat mainna eai leat oalgefitnodagat Norggas, muhto fállet dáhkádusaid rádjarasttidandoaimmaid bokte, galget addit dieđuid Ruhtadanportálii.

Loga eanet:

• Láhkaásahus ruhtadoaimmaid diehtojuohkinortnega dieđihangeatnegasvuođaid birra
  
  
• Buohtastahttinbálvalus Finansportalen.no
  
  
• Dáhkádusbálvalusmávssuid láhkaásahusa rievdadanásahus mii guoská maid dakkár dáhkádusfitnodagaid oalgefitnodagaid vuođđudeapmái ja penšuvdnafitnodagaide main leat váldodoaimmat nuppi riikkas Eurohpá ekonomalaš ovttasbargoguovllus jna.