Aktiver Javascript i din nettleser for en bedre opplevelse på regjeringen.no

Historjjálaš arkiiva

Stáhtaráđđi Rigmor Aasrud boahtá Márkomeannufestiválii

Historjjálaš arkiiva

Almmustahttináigodat Regjeringen Stoltenberg II

Almmustahtti: Ođasmahttin-, hálddahus- ja girkodepartemeanta

Sámeministtar Rigmor Aasrud galleda Evenášši ja Skánik suohkana Davvi Nordlánddas ja Lulli-Romssas bearjadaga suoidnemánu 26.b.2013. Son áigu galledit Várdobáiki sámi guovddáža ja Márkomeannufestivála. Márkomeanus áigu son almmuhit ođđa sámi ofelaččaid.

Sámeministtar Rigmor Aasrud galleda Evenášši ja Skánik suohkana Davvi Nordlánddas ja Lulli-Romssas bearjadaga suoidnemánu 26.b.2013. Son áigu galledit Várdobáiki sámi guovddáža ja Márkomeannufestivála. Márkomeanus áigu son almmuhit ođđa sámi ofelaččaid.

Ovdalis dán geasi mearridii ráđđehus viiddidit ortnega sámi ofelaččaiguin njealji ofelažžii. Dán rádjái leat golbma ofelačča ovttas johtán skuvllaid mielde. Dál go ortnet viiddiduvvo njealji ofelažžii, de sáhttet guokte joavkku mátkkoštit ja nu ollejit galledit eanet skuvllaid go ovdal.

-Ofelašortnet lea bures lihkostuvvan ja lea buorre vuohki juohkit dieđuid sámi dili birra norgga nuoraide.  Lean hui ilus go ofelašortnet viiddiduvvo, ja illudan deaivat ođđa ofelaččaid Márkomeannufestiválas, dadjá sámeministtar Rigmor Aasrud.

Prográmma

Dii. 15.30  Stáhtaráđđi galleda Várdobáiki sámi guovddáža

Dii. 19.30  Stáhtaráđđi searvá rabasčoahkkimii sámi ásahusaid mearkkašumi birra. Čoahkkin lea Unnalávus Márkomeanu festiválabáikkis.

Dii. 21.00  Sámi ofelaččaid almmuheapmi

Preassa beassá čuovvut buot galledemiid: Politihkalaš ráđđeaddi Jon Reidar Øyan, 900 42 616

Duogáš

Sámi ofelašortnet álggahuvvui geahččalanprošeaktan jagi 2004 ja 2008 rájes šattai bissovaš doaibmabidjun. Prošeavtta duogáš lea ahte sámi nuorat  galget gaskkustit máhtu iežaset árgabeaivvi birra njuolga eará nuoraide. Ofelaččaid doaibma lea johtit riikka miehtá ja galledit skuvllaid, organisašuvnnaid ja servviid juohkin dihtii dieđuid sámi kultuvrra ja servodatáššiid birra.

Ofelašortnega árvvoštallan jagi 2007  čájehii ahte prošeakta lea bures lihkostuvvan. Sihke oahpaheaddjit, oahppit ja ofelaččat oaivvildedje ahte prošeakta doaibmá bures ja lea hui ávkkálaš. Sámi allaskuvla hálddaša Ofelašortnega ja Ođasmahttin-, hálddahus- ja girkodepartemeanta ruhtada ortnega.    

Loga eanet Sámi ofelaččaid birra Sámi allaskuvlla neahttasiidduin

Bajás