Almmolaš háhkamiid njuolggadusat čavget
Historjjálaš arkiiva
Almmustahttináigodat Regjeringen Stoltenberg II
Almmustahtti: Ođasmahttin-, hálddahus- ja girkodepartemeanta
Preassadieđáhus | Almmustahtton: 11.11.2011 | Maŋimuš ođasmahttojuvvon: 14.11.2011
Ráđđehus lea odne árvalan ođđa, čavgadut njuolggadusaid almmolaš háhkamiidda. Dat veahkehit gálvo- ja bálvaluslágideddjiid, geat ovdal eai leat birgen gilvvus, sihkkarastit vuoigatvuođaideaset.
Ráđđehus lea odne árvalan ođđa, čavgadut njuolggadusaid almmolaš háhkamiidda. Dat veahkehit gálvo- ja bálvaluslágideddjiid, geat ovdal eai leat birgen gilvvus, sihkkarastit vuoigatvuođaideaset. Njuolggadusaiguin áigot maid eastadit njuolggadusčoahki duođalaš rihkkumiid, erenoamážit dan ahte almmolaš háhkamiid eai álo gilvalahte rahpasit.
- Lean movtta, go oažžut fápmui njuolggadusčoahki, mii ain buorebut stivre dan guvlui, ahte almmolaš háhkamiid čađahit albma láhkai, ođasmahttinministtar Rigmor Aasrud dadjala.
Duopmostuollu sáhttá fámuhuhttit soahpamušaid, maid dahket njuolggadusaid vuostá. Jos proseassain leat ovdánan nu guhkás, ahte soahpamuša fámuhuhttin váikkuhivččii sakka servodahkii, de sáhttet soahpamuša oanidit ja barggaheaddji sáhkohit.
KOFA (almmolaš háhkamiid váidalanlávdegoddi) bargu lea ain boahtteáiggisge rávvet, muhto sáhkuid addin sirdojuvvo duopmostuoluide.
Láhkaárvalusain ollašuhttet EO direktiivva 2007/66/EF (ođđa direktiiva, mii guoská háhkamiid suorgái) norgga rievttis. Árvalusain čuovvulit guorahallama Håndhevelse av offentlige anskaffelser (almmolaš háhkamiid ollašuhttin), mas almmolaš lávdegoddi ávžžuhii mo EO ođđa direktiivva seađášii ollašuhttit norgga rievttis.