Historjjálaš arkiiva

Nannejuvvon olmmošvuoigatvuođaid suddjen Eurohpás

Historjjálaš arkiiva

Almmustahttináigodat Regjeringen Stoltenberg II

Almmustahtti: Justis- ja politidepartemeanta

– Olahus lea joksojuvvon, dadjá justiisa- ja gearggusvuođaministtar Grete Faremo. EO ja Eurohpáráđi 47 miellahttostáhta leat soahpan šiehtadusevttohusa dasa ahte EO dorjjošii eurohpálaš olmmošvuoigatvuođakonvenšuvnna.

Tonje Meinich, Justiisa- ja gearggusvuođadepartemeantta ossodatdirektevra, lea jođihan ođđa šiehtadusteavstta šiehtadallamiid.

– Olahus lea joksojuvvon, dadjá justiisa- ja gearggusvuođaministtar Grete Faremo. EO ja Eurohpáráđi 47 miellahttostáhta leat soahpan šiehtadusevttohusa dasa ahte EO dorjjošii eurohpálaš olmmošvuoigatvuođakonvenšuvnna.

– Šiehtadus mielddisbuktá sakka nannema olmmošvuoigatvuođain Eurohpás, dadjá Faremo.

– Norgii Eurohpáráđi miellahttostáhtan lea illudahtti ahte eurohpálaš olmmošvuoigatvuođakonvenšuvdna šaddá dál vel deháleabbon Eurohpás, dadjá olgoriikkaministtar Espen Barth Eide.

Šiehtadusevttohusa mielde eai leat šat dušše EO-stáhtat, muhto maiddái EO organisašuvdnan mii olmmošvuoigatvuođaid rihkkumiin sáhttá váidojuvvot eurohpálaš olmmošvuoigatvuođaduopmostullui. EO sáhttá maiddái šaddat áššeoasálažžan áššiin EO-stáhtaid vuostá mat gusket gaskasvuhtii gaskal EO-lágaid ja olmmošvuoigatvuođakonvenšuvnna. Dát váikkuha dasa ahte konvenšuvdnarihkkuma ovddasvástádus biddjo dan áššeoasálažžii mii nákce divvut rihkkuma.

Dattetge lea ain veaháš bargu ovdal go šiehtadus lea realitehta. Dál galgá EO-duopmostuollu cealkámuša buktit evttohussii. Dasto fertejit buot Eurohpáráđi 47 miellahttostáhta formálalaččat doarjut šiehtadusa.

Dat ahte EO- dorjjošii eurohpálaš olmmošvuoigatvuođakonvenšuvnna lea divaštallojuvvon juo 1970-logu loahpa rájes, ja lea rievttálaš geatnegasvuohta EO:i Lisboa-traktáhta mielde mii fápmui bođii 2009:s.

Norga lea jođihan šiehtadallamiid gaskal EO ja Eurohpáráđi miellahttostáhtaid, Tonje Meinich bokte, gii lea Justiisa- ja gearggusvuođadepartemeantta ossodatdirektevra.