Doarjjaortnet teáhterásahusaide ohppiidgalledemiid oktavuođas jagi 2013

Kulturdepartemeanta álggahii jagi 2012 golmmajagi geahččalanortnega ovddidit dáiddagaskkusteami teáhterásahusaid iežaset lanjain skuvlaohppiid várás, vrd. Dieđ.St. 10 (2011-2012) Kultuvra, searvadeapmi ja oassálastin. Jagi 2013 jotkojuvvo dát ortnet 2,08 miljovnna kruvnnu sturrosaš doarjagiin.

Ortnega ulbmil lea láhčit dilálašvuođaid nu ahte skuvlamánát skuvlla váccedettiin besset ámmát teáhtera vásihit teáhtera iežas lanjain ja geahččalit modeallaid dán lágan doaimmain. Ulbmiljoavku lea vuođđoskuvlaoahppit. Fálaldaga oktavuođas departemeanta háliida deattuhit geográfalaš doaibmaviidodaga.   

Ruđat juolluduvvojit ohcamušaid vuođul mat bohtet teáhterásahusain geat háliidit leat mielde dán geahččalanortnegis ja ruđat galget gokčat liigegoluid ohppiidgalledemiid oktavuođas. Eaktun oažžut stáhta doarjaga lea ahte teáhterfálaldat boahtá Kultuvrralaš skuvlalávkka skuvlii guoskevaš fálaldagaid lassin.

Referánsajoavku, maid Norgga teáhter- ja orkeasttarsearvi ja Norgga Kulturráđđi leaba árvalan, de evttoha geat doarjagiid galget oažžut.   

Teáhterásahusat mat háliidit searvat geahččalanortnegii sáhttet ohcamuša sáddet Kulturdepartementii ovdal cuoŋománu 1.beaivvi 2013.  Ohcamuš galgá sisttisdoallat čilgehusa doaibmabijus masa doarjja ohccojuvvo ja bušeahta liigegoluid badjel.