Aktiver Javascript i din nettleser for en bedre opplevelse på regjeringen.no

Historjjálaš arkiiva

Lávdegoddi osko- ja eallinoaidnopolitihkkii vuođđuduvvon

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Mii dárbbašit eambbo ollislaš osko- ja eallinoaidnopolitihkka, ja máŋgga guovllus lea gáibiduvvon almmolaš guorahallan dan suorggis. Dainna lávdegottiin mii čuovvut Soria Moria 2, dadjá kulturministtar Anniken Huitfeldt.

Kulturministtar Anniken Huitfeldt álmmuhii odne lávdegotti mii galgá dárkkistit  osko- ja eallinoaidnopolitihka.

- Oktavuohta stáda, servodaga, indiviidda, oskku ja eallinoainnu gaskkas lea boahtán politihkalaš áššelistui nannosit dásis  daid maŋemus jagiid.  Olu deaŧalaš digaštallamat leat jođus árbevieru ja valljivuođa birra ja makkár sadji osku ja eallinoaidnu galget váldit almmolaš lanjas. Mii dárbbašit eambbo ollislaš osko- ja eallinoaidnopolitihkka, ja máŋgga guovllus lea gáibiduvvon almmolaš guorahallan dan suorggis. Dainna lávdegottiin mii čuovvut Soria Moria 2, dadjá kulturministtar Anniken Huitfeldt.


Sturla Stålsett, kulturministtar Anniken Huitfeldt ja Bente Sandvig. Govva: Kulturdepartemeanta

Daid maŋemus logi jagiid norgga servodat lea vásihan stuorra rievdadusaid, ja mis lea stuorra kulturáláš ja oskkolaš valljivuohta. Sullii 80 proseantta olbmuin gullojit Norgga Girkui, muhto sihke lohku osko- ja eallinoaidnoservodagat Norgga Girkku olggobealde ja lohku olbmot mat gullojit daidda servodagaide, leat lassaneame.

- Viiddis lávdegoddi lea bidjon oktii miellahtuin iešguđetlágan osku- ja eallinoaidnoservodagain, dasa lassin oskudieđalaš, teologalaš, ja servodatdieđalaš gelbbolašvuohta. Mon illudan gullat maid sii evttohit, dadjá Huitfeldt.

Lávdegoddi galgá ovdanbuktit evttohusaid mat sáhttet vuođđudit eambbo ollislaš politihkka dan suorggis. Lávdegoddi galgá váldit vuhtii ahte stáda ovddimus bargu osko- ja eallinoaidnopolitihkkas lea sihkkarástit ja várjalit osko- ja eallinoaidnofriddjavuođa, nu ahte dát lea sihkkaráston internašuvnnalaš šiehtadusain ja našunála rievttis. Lávdegoddi galgá vuođđun atnit šiehtadusa cuoŋománu 10. b.  2008 mii lea politihkalaš bellodagaid gaskkas Stuorradiggis stádagirkoortnega hárrái.

Lávdegoddi galgá iežás áššeguottu ovdanbuktit ovdal go 2012 nohka.

Mildosiin bidjon: Lávdegotti váldi ja čohkkehus.

Bajás