Riikkaviidosaš doaibmaplána hehttet boađusverrošemiid falástallamis

Kulturministtar Hadia Tajik ovdanbuvttii odne riikkaviidosaš doaibmaplána hehttet boađusverrošemiid falástallamis. Plána lea ovttasbargu gaskal Norgga falástallanlihtu ja olympialaš ja paraolympialaš lávdegotti (NFL), Norgga Spábbačiekčanlihtu, Norsk Tipping, Vuorbádanbearráigeahču,  Justiisa- ja gearggusvuođadepartemeantta ja Kulturdepartemeantta.

Riikkaviidosaš doaibmaplána hehttet boađusverrošemiid falástallamis

- Boađusverrošeapmi ii gula falástallamii. Dat láivudahttá falástallama vuođđoárvvuid ja sáhttá vahágahttit falástallama integritehta ja beaggima. Mii fertet eastadit, almmustahttit ja reageret boađusverrošemiide falástallamis , dadjá Tajik.

- Falástallan ii sáhte okto bargat hehtteme boađusverrošemiid falástallamis. Boađusverrošeapmi lea ekonomalaš rihkolašvuohta mas falástallan adnojuvvo gaskaoapmin. Eaktuduvvo ahte falástallan, speallofitnodagat ja almmolaš eiseválddit bidjet oktasaš árjjaid dasa, dadjá kulturministtar Hadia Tajik.

Doaibmaplánas leat dákkár áigumušat mihttomeriid joksama várás:

- Nannet máhtolašvuođa boađusverrošeami birra

- Vuoruhit miellaguoddoásaheaddji bargguid nu ahte hehtte boađusverrošemiid falástallamis

- Gozihit ja muddet speallandoaimmaid

- Nannet falástallama njuolggadusaid hehtten dihte boađusverrošemiid

- Nannet norgga oassálastima riikkaidgaskasaš ovttasbargui hehtten dihte boađusverrošemiid

 

UEFA stivralahttu Mihcael van Praag ja Michaela Bragg Interpoola Integrity in Sport ovttadagas muitaleigga maiddái maid sii leat bargan hehtten dihte boađusverrošemiid preassakonferánssas Ullevål stadionas odne.