Ráđđehus dohkkeha NRK ođđa digitála rádiokanála
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Almmustahtton: 21.06.2013 | Maŋimuš ođasmahttojuvvon: 02.07.2013
Ráđđehus dohkkeha NRK ođđa digitála rádiokanála. Rádiokanála ulbmiljoavku lea musihkkaberošteaddji rávisolbmot badjel 30 jagi geat leat dolkan guldaleamis P3, ja geat eai leat duhtavaččat P1, P2 dahje gávperádiokanálain.
Ráđđehus dohkkeha NRK ođđa digitála rádiokanála. Rádiokanála ulbmiljoavku lea musihkkaberošteaddji rávisolbmot badjel 30 jagi geat leat dolkan guldaleamis P3, ja geat eai leat duhtavaččat P1, P2 dahje gávperádiokanálain.
Lea dehálaš ahte NRK sádde buriid digitála fálaldagaid. Dát kanála váikkuha dasa ahte digitálafálaldat šaddá geasuheaddjin eanet ahkejoavkkuide, cealká kulturministtar Hadia Tajik.
Ráđđehus galgá ođđa NRK-bálvalusaid dohkkehit EES-rievtti regelčállosa ektui mii guoská stáhtadoarjagii. Ráđđehus lea deattuhan ahte dán kanálii gullet dábálaš áibmomedia doaimmat ja ahte das sáhttet ođđa čuojaheaddjit čuojahit ođđaáigásaš musihka, ja nu dát kanála ii sádde seammá musihka maid kommersiála rádiokanálat dábálaččat dahket. Mediabearráigeahčču lea iežas ráđđeaddi cealkámušas rávven ahte ohcan dohkkehuvvo. Gilvobearráigeahčču lea árvvoštallan vejolaš gilvoráddjejeaddji váikkuhusaid ja ii leat gávdnan vuođu gieldit NRK ásaheamis dán ođđa kanála. Rádiokanála lea gávdnamis Interneahtas ja DAB-neahtas. Ohcama ektui plánejuvvo rahpat kanála ođđajagimánus 2014.