Juolludeamit sámi ulbmiliidda 2005

Almmustahttináigodat

Almmustahtti: Kommunal- og regionaldepartementet

Sápmelaččat leat njealji stáhta eamiálbmot ja unnitlohku, ja sis lea dárbu ja vuoigatvuohta erenoamáš árvui sihke riikkaidgaskasaš ja riikka álbmotrievtti mielde. (06.10.2004)

Johtočállagat H-22/04

Juolludeamit sámi ulbmiliidda 2005

Sápmelaččat leat njealji stáhta eamiálbmot ja unnitlohku, ja sis lea dárbu ja vuoigatvuohta erenoamáš árvui sihke riikkaidgaskasaš ja riikka álbmotrievtti mielde. Norggas lea erenoamáš ovddasvástádus ovddidit sámi giela, kultuvrra ja eallinlági. Vuođđolága § 110 a geatnegahttá stáhta eiseváldiid fuolahit sámi álbmogii vejolašvuođa nannet ja ovddidit gielas, kultuvrras ja servodateallimis.

Gielda- ja guovludepartementtas lea ovddasvástádus ovttastahttit stáhta sámepolitihka. Departementtaid suorgeovddasvástádusprinsihppa gusto buot fágasurggiide, ja departe-menttain lea ovddasvástádus čuovvolit sámepolitihka iešguđet ge suorggis. Dát gullá maiddái daidda ortnegiidda maid Sámediggi hálddaša.

Dáinna diehtočállosiin dáhttu ráđđehus oanehaččat ja oppalaččat čilget iešguđet departe-menttaid 2005` juolludanevttohusaid sámi ulbmiliidda. Dát diehtočálus lea almmuhuvvon maiddái 1999:s (johtočálus H-12/98), 2000:s (H-29/99), 2001:s (H-13/00), 2002:s (H-32/01), 2003:s (H-11/02) ja 2004:s (H-22/03). Dán jagi gihppagis leat maiddái juolludeamit mat eai leat ovdal leamaš ja danne ii sáhte buot loguid buohtastahttit diimmá loguiguin.