Láhkaásahus Finnmárkku šláddjes lastavuvddiid suodjalanplána birra. Máze álbmotmeahci suodjaleapmi Guovdageainnu suohkanis, Finnmárkku fylkkas.

Mielddus 6

§ 1. Ráddjejupmi

Álbmotmeahcci guoská čuovvovaš dállonr./doallonr. Guovdageainnu suohkanis: 12/1, 12/2, 12/29.
Álbmotmeahcci gokčá su. 231 dekára sturrosaš areála.
Álbmotmeahci rájit bohtet ovdan Birasgáhttendepartemeantta kárttas mii lea beaiváduvvon geassemánus 2007 ja man mihttolávva lea 1:5000. Álbmotmeahci
dárkilis rájit galget merkejuvvot eatnamii. Čiegat merkejuvvojit koordináhtaiguin.
Suodjalanláhkaásahus oktan kárttain galgá vurkkoduvvot Guovdageainnu suohkanis, Finnmárkku fylkkamánni luhtte, Luondduhálddašandirektoráhtas ja Birasgáhttendepartemeanttas.

§ 2 Ulbmil

Suodjaleami ulbmil lea seailluhit measta lihkatkeahtes lastavuovdeguovllu ekovuogádahkan oktan buot lunddolaš šattodagain ja ealliiguin. Guovllu erenoamáš
kvalitehta lea molsašuddan gaskal dulveeanavuovddi ja soahkevuovddi. Guovlu lea erenoamáš go dán oasis Finnmárkkus lea kontinentála gieddesoahkevuovdi.
Álbmotmeahci luondduvuđđosa dikšun lea dehálaš sámi kultur- ja ealáhusávkkástallamii. Guovllu galgá sáhttit geavahit boazodollui.

§ 3 Suodjalanmearrádusat

Álbmotmeahccái gustojit čuovvovaš mearrádusat:
1. Šattodat, dás maiddái jápmán muorat ja miestagat, galget suodjaluvvot buot vahágahttima ja bilideami vuostá. Luonddumeahcis ii leat lohpi váldit šattuid
dahje šaddoosiid. Ođđa šaddošlájaid gilvin ja buktin dohko eatnamii ja sáivačáhcái lea gildojuvvon.
2. Eallit, dás maiddái beasit ja biejut, leat ráfáiduhttojuvvon vahágahttima, bilideami ja dárbbašmeahttun ráfehuhttima vuostá. Ealliid ii leat lohpi buktit
dohko ja luoitit daid dohko eallit.
3. Dakkár doaibmabijuid ii galgga čađahit, mat rievdadit luonddubirrasa, numo hukset visttiid ja rusttegiid, áidut ja hukset eará gitta ja gaskaboddasaš
ráhkkanusaid, guođđit kámpenvávnnaid, bráhkáid jed, fatnasiid giddet boijjaide dahje guođđit gáddái, bidjat eatnanbajábeallásaš jođđasiid, eanajođđasiid ja
duolvačáhcebohciid, hukset geainnuid, roggat goivvohagaid ja eara láhkai goikadit eatnamiid, váldit, deavdit ja vurket mássa, luoitit kloáhka dahje eará
čoahkáiduvvan nuoskkidanávdnasiid, guođđit doabbariid, duktet, kálket ja geavahit kemikálaid luottahuhttinávnnasin. Nuoskkideapmi lea gildojuvvon.
Logahallan ii leat dievas.
4. Mohtorjohtolat eatnamis ja čázis, dás maiddái áibmofievrru girdileapmi ja seaivun, lea gildojuvvon.
5. Álbmotmeahci geavahit lávvo- ja tealtaleairraide, valáštallanlágidemiide dahje eará stuorra lágidemiide lea gildojuvvon.
6. Luondduhálddašandirektoráhta sáhttá vuhtiiválddidettiin ráfáiduhttinulbmila láhkaásahusain gieldit dahje muddet johtolaga oppa álbmotmeahcis dahje dan
osiin.

§ 4 Oppalaš spiehkastagat

3. § mearrádusat eai hehtte:
1. Militeara operatiiva doaimmaid dahje politiija-, gádjun-, ambulánsa-, buollinsuodjalus- ja bearráigeahččandoaimmaid, ja dakkár dikšun- ja
hálddašandoaimmaid čađaheami, maid hálddašaneiseváldi lea mearridan.
Hárjehallanvuodjin namuhuvvon doaimmaid oktavuođas gáibida sierra lobi.
3. § nr. 1-3 mearrádusat eai hehtte:
2. Geavaheames guovllu guohtumii.
3. Geavaheanes goikeovssiid káfedollii.
4. Čoaggimis murjjiid ja borramušguobbariid.
5. Bivdima ja gárduma fuođđolága vuođul ja guolásteami luossa- ja sáivaguolástanlága vuođul.
6. Ortnegisdoallamis dálá visttiid ja rusttegiid.
7. a) Doaimmas- ja ortnegisdoallamis dálá energiija- ja fápmorusttegiid.
Geaseheapmi mohtorfievrruin gáibida sierra lobi, gč. 5. § nr. 3.
b) Divvumis dárbbu mielde el-fápmolinnjáid fáhkka el-fápmojávkama oktavuođas. Go geavaha mohtorfievrru geaseheapmái, de galgá maŋŋá dieđihit
hálddašaneiseváldái.
c) Dási buorideames/ođasmahttimis el-fápmolinnjáid ja stuorrudeames jođasrastáčuohpahaga nu ahte sáhttá loktet gealdodási nu guhká go dát ii eaktut
mearkkašahtti fysihkalaš rievdadusaid mat rihkkot suodjalanulbmila.
Geaseheapmi mohtorfievrruin gáibida sierra lobi, gč. 5. § nr. 3.
8. Dálá dulve- ja erošuvdnaeastadanrusttegiid ortnegisdoallamis ja buorideames dárbbu mielde. Dálá rusttegiid ortnegisdoallan dahje daid buorideapmi galgá
vuhtiiváldit suodjalanárvvuid ja dat galgá čađahuvvot birrasa dáfus dohkálaš vugiin.
9. Čorgemis ja njárbemis bálgáid ja muohtaskuhterláhtu.
10. Dárbbašlaš mohtorjohtolaga buohcci ja lápmašuvvan šibihiid viežžama oktavuođas. Dat fievru mii geavahuvvo, ii galgga olus golladit luonddu.
Ovdalgo vuodjá galgá dieđihit bearráigehččui.
11. Ávnnasteami duoji várás.
3. § nr. 1-4 mearrádusat eai hehtte:
12. Vuodjimis muohtaskuhteriin dohkkehuvvon muohtaskuhterláhtu mielde.
Álbmotmeahcis ii leat lohpi earránit skuhterláhtus.
13. Geavaheames mohtorfatnasa jogas.
14. Vuodjimis muohtaskuhteriin dárbbu mielde boazodoalu oktavuođas.

§ 5 Vejolaš spiehkastagat ohcama vuođul

Hálddašaneiseváldi sáhttá ohcama vuođul addit lobi:
1. Čuohppat sogiid iežas atnui.
2. Hukset šalddiid ja roviid, cegget galbbaid ja merket bálgáid.
3. Johtalit mohtorfievrruiguin dárbbu mielde go lea doaimmas- ja ortnegisdoallamin dálá enegiija- ja el-fápmorusttegiid ja buorideamen daid dási.
4. Geavahit mohtorfievrru dárbbu mielde dálvesiivun muoraid geasehit.
5. Johtalit mohtorfievrruiguin dárbbu mielde bievlan boazodoalu oktavuođas.
6. Geasehit mohtorfievrruiguin dárbbu mielde dálvesiivun ávdnasiid visttiid ja rusttegiid ortnegisdoallama várás.
7. Johtalit mohtorfievrruiguin dárbbu mielde hárjehallanvuodjima oktavuođas dakkár áigumušaiguin, mat leat namuhuvvon 4. § 1. čuoggás.
8. Buoridit daid el-fápmolinnjáid dási dahje ođasmahttit daid el-fápmolinnjáid maidda ii guoskka 4. § 7. čuokkis.
9. Hukset ođđa el-fápmolinnjáid go dat ii rihko suodjalanulbmila.
Boazodoalu várás láhččojuvvo vejolašvuohta oažžut máŋggajagáš lobiid, mat boazodoalus galget oktiiordnejuvvot ja váldojuvvot mielde orohatplánii
boazodoallolága vuođul, nu ahte ealáhusain sáhttá bargat dohkálaš vuogi mielde.

§ 6 Oppalaš sierralohpemearrádusat

Hálddašaneiseváldi sáhttá spiehkastit láhkaásahusas go suodjaleami ulbmil dan gáibida, ja dieđalaš iskkademiid oktavuođas, servodahkii mearkkašahtti mávssolaš bargguid oktavuođas dahje erenoamáš dilálašvuođaid oktavuođas go dat eai rihko suodjaleami ulbmila.

§ 7 Dikšun ja hálddašanplána

Hálddašaneiseváldi, dahje dat geasa hálddašaneiseváldi fápmuda válddi, sáhttá čađahit dikšundoaibmabijuid maiguin ollašuhttá suodjaleami ulbmila. Sáhttá ráhkaduvvot hálddašanplána mas sáhttet leat dárkilet njuolggadusat dikšuma várás.

§ 8 Hálddašaneiseváldi

Luondduhálddašandirektoráhta mearrida geas galgá leat hálddašanváldi dán láhkaásahusa vuođul. Sámi beroštusat galget fuolahuvvot dan hálddašanortnegis mii
ásahuvvo.

§ 9 Fápmuiboahtin

Dát láhkaásahus boahtá fápmui dálán.

Loga láhkaásahusa - lovdata.no