Láhkaásahus Várnjárgga suodjalanplána birra. Oarddu luonddumeahci ráfáiduhttin Báhcavuona gielddas Finnmárkku fylkkas.

2. mielddus

§ 1 Ráddjejupmi

Ráfáiduhttojuvvon guovlu guoská čuovvovaš dállonr./doallonr. Báhcavuona gielddas:
8/1, 9/1, 9/6, 9/21, 9/23, 9/53, 9/70, 15/1, 15/2, 15/3, 15/4, 15/5, 16/1, 16/4, 16/7, 16/10, 16/17, 16/24, 16/25, 16/27 ja 16/41.
Luonddumeahcci gokčá oktiibuot su. 19,0 km2 sturrosaš areála. Luonddumeahci rájit bohtet ovdan Birasgáhttendepartemeantta kárttas mii lea beaiváduvvon juovlamánus 2006 ja man mihttolávva lea 1: 110 000.
Luonddumeahci dárkilis rájit galget merkejuvvot eatnamii. Čiegat merkejuvvojit koordináhtaiguin.
Láhkaásahus oktan kárttain galgá vurkkoduvvot Báhcavuona gielddas, Finnmárkku fylkkamánni luhtte, Luondduhálddahusdirektoráhtas ja Birasgáhttendepartemeanttas.

§ 2 Ulbmil

Ráfáiduhttima ulbmil lea seailluhit measta lihkatkeahtes lastavuovdeguovllu joga lahka ja oalgeleagi kálkafierraneatnamiin dainna biologalaš šláddjiivuođain mii boahtá ovdan luonddušládjan, ekovuogádahkan, šládjan ja lunddolaš ekologalaš proseassan.
Guovlu lea erenoamážit dieđalaččat hui mávssolaš referánsaguovlun ja lea áidnalunddot go doppe lea šattolaš sieđga- ja alla máŋggajagáš čikŋašaddovuovdi lahka
árktalaš ordda, ollu šlájaiguin main lea buot davimus šaddanrádji doppe dahje mat leat iežaset šaddanguovllu ravdalepmosat. Reindalenis lea erenoamáš kálkašattodat mas lea várjjatvalmua áidna dieđus váldošaddanbáiki oppa Eurohpá nannámis.
Álbmotmeahci luondduvuđđosa dikšun lea dehálaš sámi kultuvrii ja ealáhusávkkástallamii. Guovllu galgá maid sáhttit geavahit boazodollui.

§ 3 Suodjalanmearrádusat

Luonddumeahccái gustojit čuovvovaš mearrádusat:
1. Šattodat, dás maiddái jápmamiestagat ja -muorat, galgá suodjaluvvot buot vahágahttima ja bilideami vuostá. Luonddumeahcis ii leat lohpi váldit šattuid dahje
šaddoosiid. Ođđa šaddošlájaid gilvin ja buktin eatnamii ja sáivačáhcái lea gildojuvvon. Várjjatvalmua (Papaver dahlianum ssp. dahlianum) lea ráfáiduhttojuvvon juovlamánu 21. b. 2001-mannosaš láhkaásahusain nr. 1525 áitojuvvon šlájaid ráfáiduhttima birra.
2. Eallit, dás maiddái beasit ja biejut, leat ráfáiduhttojuvvon vahágahttima ja bilideami vuostá. Ođđa šlájaid ii leat lohpi buktit dohko.
3. Dakkár doaibmabijuid ii galgga čađahit, mat rievdadit luonddubirrasa, nu mo hukset visttiid, rusttegiid ja gitta dahje gaskaboddasaš ráhkkanusaid, guođđit
kámpenvávnnaid, bráhkáid jed, fatnasiid giddet boijaide dahje goikásii geassit, eatnanbajábeallásaš jođđasiid, eanajođđasiid ja duolvačáhcebohciid bidjat, hukset
geainnuid, goivvohagaid roggat ja earaláhkai goikadit eatnamiid, mássa váldit, deavdit ja vurket, luoitit duolvačázi dahje eará čoahkáiduvvan nuoskkidanávdnasiid, guođđit doabbariid, duktet, kálket ja geavahit kemikálaid luottahuhttinávnnasin. Nuoskkideapmi lea gildojuvvon. Logahallan ii leat dievas.
4. Mohtorjohtolat eatnamis ja čážis lea gildojuvvon, dás maid áibmofievrru girdileapmi ja seaivun.

§ 4 Oppalaš spiehkastagat

3. § mearrádusat eai hehtte:
1. militeara operatiivva doaimmaid dahje ambulánsa-, politiija-, buollinsuodjalus-, gádjun- dahje bearráigeahččandoaimmaid, dahje dikšun- dahje hálddašaneiseválddi
mearridan hálddašandoaimmaid čađaheami, gč. § 9. Vuodjinhárjehallan dakkár doaimmaid oktavuođas gáibida sierra lobi hálddašaneiseválddis, gč. 5. § 8. čuoggá.
2. dálá energiija- ja fápmorusttegiid doaimmasdoallama ja ortnegisdoallama. Geaseheapmi mohtorfievrruin gáibida sierra lobi hálddašaneiseválddis, gč. 5. § 4.
čuoggá.
3. dárbbašlaš divvuma heahkka bissáneami oktavuođas. Go geavaha mohtorfievrru geaseheapmái, de galgá maŋŋá dieđihit hálddašaneiseváldái.
4. el-fápmojođđasiid ođasmahttima dahje jođasrastáčuohpahaga stuorrudeami nu ahte sáhttá gealdodási loktet nu guhká go dát ii eaktut mearkkašahtti fysihkalaš
rievdadusaid mat rihkkot suodjalanulbmila.
5. dárbbašlaš muohtaskuhtergeavaheami dálvesiivvus boazodoalu doaimmaheami oktavuođas.

3. § čuoggáid 1-3 mearrádusat eai hehtte:
6. dálá rusttegiid ortnegisdoallama.
7. guohtuma.
8. murjema ja borramušguobbariid čoaggima.
9. bivdima fuođđolága dahje boazodoallorievtti njuolggadusaid vuođul.
10. guollebivddu luossa- ja sáivaguollelága dahje boazodoallorievtti njuolggadusaid vuođul.
11. geange várrugasvuođain váldimis dollamuoraid.
12. geange rissiid geavaheames gárdumii.

§ 5 Vejolaš spiehkastagat ohcama vuođul

Hálddašaneiseváldi, gč. § 9, sáhttá ohcama vuođul addit lobi:
1. dárbbašlaš mohtorjohtolahkii boazodoalu doaimmaheami oktavuođas ja daid doaimmaid oktavuođas, mat leat namuhuvvon 4. § 6. čuoggás.
2. njáskat bálgáid guora, el-fápmolinnjáid vuolde ja barttaid birra.
3. ávnnastit duoji várás.
4. dárbbašlaš mohtorjohtolahkii daid doaimmaid oktavuođas, mat leat namuhuvvon 4. § 2. čuoggás.
5. loktet el-fápmojođasđási dahje ođasmahttit daid el-fápmojođđasiid maidda ii guoskka 4. § 4. čuokkis.
6. hukset ođđa fápmolinnjáid.
7. viežžat buohcci dahje lápmašuvvan šibihiid.
8. hárjehallat vuodjit daiguin áigumušaiguin mat leat namuhuvvon 4. § 1. čuoggás.

§ 6 Johtolaga mudden

Luondduhálddašandirektoráhta sáhttá vuhtiiválddidettiin suodjalanulbmila láhkaásahusain gieldit dahje muddet johtolaga olles luonddumeahcis dahje dan osiin.

§ 7 Dikšun

Hálddašaneiseváldi, gč. § 9, sáhttá čađahit dikšundoaibmabijuid maiguin ollašuhttá ráfáiduhttima ulbmila. Sáhttá ráhkaduvvot hálddašanplána mas leat dárkilet njuolggadusat dikšuma čađaheami birra.

§ 8 Oppalaš sierralohpemearrádusat

Hálddašaneiseváldi, gč. § 9, sáhttá spiehkastit láhkaásahusas go ráfáiduhttima ulbmil dan gáibida, ja dieđalaš iskkademiid ja bargguid oktavuođas dahje servodahkii mearkkašahtti mávssolaš doaibmabijuid oktavuođas, dahje eará erenoamáš dilálašvuođaid oktavuođain go dat eai rihko suodjaleami ulbmila.

§ 9 Hálddašaneiseváldi

Luondduhálddašandirektoráhta mearrida geas galgá leat hálddašanváldi dán láhkaásahusa vuođul. Sámi beroštusat galget fuolahuvvot ásahuvvon hálddašanortnegis.

§ 10 Fápmuiboahtin

Dát láhkaásahus boahtá fápmui dálán.

Loga láhkaásahusa - lovdata.no
Bajás