Davviguovlostrategiija 22 doaibmabidjočuoggá

Almmustahttináigodat

Almmustahtti: Olgoriikadepartemeanta

Davviguovlostrategiija váldovuoruhusaid čuovvoleapmi čađahuvvo 22 čielga doaibmabidjočuoggáin. Dain leat máŋga čuoggá juo čađahuvvon, nuppit fas leat čađahuvvomin dahje dárbbašit politihkalaš mearrádusaid vuođđun.

Davviguovlostrategiija váldovuoruhusaid čuovvoleapmi čađahuvvo 22 čielga doaibmabidjočuoggáin. Dain leat máŋga čuoggá juo čađahuvvon, nuppit fas leat čađahuvvomin dahje dárbbašit politihkalaš mearrádusaid vuođđun.  

1. Viiddidit aktiiva gulahallama ránnjáiguin, doaibmaoasálaččaiguin ja lihtolaččaiguin davviguovloáššiin.    

2. Nannet norgalaš davviguovlopolitihka oidnosii buktima ja oktiiheivehallama riikkaid­gaskasaš ja guvllolaš ovttasbarganforain.   

3. Ovddidit ain eambbo petroleadoaimma Barents-ábis aktiiva juolludanpolitihkain, mainna mii čuovvolit ohcanbohtosiid ja dárbbu oažžut eanet ohcanviidodagaid. Ráđđehus áigu maid lágidit nu, ahte eanet čađahuvvojit geologalaš kártemat davviguovlluin.  

4. Válmmaštit dakkár árvalusa, ahte ekonomalaš ja industriála ovttasbarganviidodat ásahuvvo, masa gullet sihke norgalaš ja ruoššalaš rádjaguovloterritoriat davvin. 

5. Iskat eanet doaibmabijuid mat sáhttet geahppudit olbmuid johtalemiid Norgga ja Ruošša gaskka. 

6. Čielggadit dárbbu oažžut ođđa jiekŋasmoarri dutkanskiippaid vai buorrána Norgga jagimiehtásaš lahkaorrun davviguovlluid čáziin.  

7. Buoridit máhttohuksema davviguovlluin ja davviguovlluide dehálaš dutkama Dutkanráđi bokte. 

8. Buoridit mearradorvvu Svalbárdda biras čáziin, ee. dainna lágiin ahte hámman- ja johtinčázádatláhka biddjojuvvo fápmui oktan bákkolaš oahpistanbálvalusain. 

9. Nannet ovttasbarggu Ruošša ja eará riikkaid eiseválddiiguin vai sáhttit doarrut lobihis, regulerekeahtes ja registarasttekeahtes guollebivddu vuostá Barents-ábis. 

10. Buoridit áŋgiruššama čuovvolit ollislaš hálddašanplána kártemiin ja mearrabirrasa gozihemiin ja ekovuogádagaid dutkamiin, ja dange dutkamiin, mo olmmošlaš doaimmat čuhcet daidda.  

11. Buoridit kártema, goziheami ja dálkkádatnuppástusaid ja birasmirkkuid dutkama davviguovlluin.  

12. Joatkit áŋgiruššama atomsihkkarvuođa ja – válmmu ovddideapmái davviguovlluin. 

13. Buoret Dutkan- ja ovddidandoaimmaiguin ráhkadit birasteknologiija davviguovlluin ja davviguovlluid várás. 

14. Álggahit eanet Barents 2020 vuollásaš máhtto- ja ovddidanprošeavttaid. 

15. Vuođđudit Davviguovlostipeandaprográmma maid Barents 2020 ruđat mákset. 

16. Buoridit viggamušaid davviguovlluid kulturovttasbarggus, erenoamážit Ruoššain.  

17. Árvvoštallat doaibmabijuid mat galget buoridit čeahpes ja dárbbašlaš bargonávccaid rekruhttema olggoriikkas davviguovlluide. 

18. Movttiidahttit eanet návccaid bioprospektemii ja ođđa buktagiid hutkamii mariidna organismmaid vuođul.  

19. Lágidit nu, ahte eambbo dutkojuvvo dorski ja eará miellagiddevaš mariidna šlájaid biebman.  

20. Árvvoštallat álggahit gálvofievrridanoli Guovdilis Ásias Davvi-Amerihkái Narviikka hámmana bokte.

21. Árvvoštallan leago sivva čielggadit ođđa fievrridančovdosiid, omd. ruovdemáđe Nihkkelis Girkonjárgii, ja leago márkkalaš vuođđu álggahit ođđa girdiruvttuid Davvikalohtas. 

22. Riikkalaš fievrridanplána 2010-2019 barggu oktavuođas guorahallat dárkileappot dáláš johtalusa siskkáldas struktuvrra ja makkár ovddidandárbbut leat davvin.