Ráđđehusa vuoruhansuorggit

Almmustahttináigodat Solberga ráđđehus

Almmustahtti:

2013 válgga oktavuođas válljejedje jienasteaddjit ođđa politihkalaš stivrejumi ja ođđa politihka. Olgeš/OB-ráđđehus čoavdá dehálaš bargguid otne, ja áigu ráhkkanahttit Norgga boahtteáigái.

Vaikko vel Norggas otne manná hui bures, de eat sáhte dáhkidit ahte manná seamma bures boahttevaš jagiid. Mis leat guokte stuora hástalusa maid fertet čoavdit:

  • Vuosttas lea ahte fertet nannet norgga gilvalannávccaid ja ráhkadit oadjebas bargosajiid, ja   njunnošis hábmet boahtteáiggi servodaga gos unnán nuoskkiduvvo ja gos oljodienas iige  leat šat nu buorre go ovdal.
  • Norga ii sáhte goassige šaddat hálbbimus ja dan geažil fertet mii leat buoremusat.

Nubbi hástalus lea ahte duogŋat ráiggiid mat olbmuid sosiála sihkkarvuođafierpmádagas leat, vai eanebut sáhttet searvat bargoeallimii ja beaivválaš doaimmaide.

Ráđđehus lea bargguid juohkán gávcci vuoruhansuorgái maid ulbmilin lea álkidahttit, ođasmahttit ja buoridit ráđđehusa politihka. Vuoruhansuorggit čilgejuvvojit dás vuollelis.

Dálkkádatgássaluoitimiid geahpedanbargu guoská buot ráđđehusa vuoruhansurggiide. Dálá ráđđehus háliida joatkit dálkkádatsoahpamuša doaibmabijuid maid Stuoradiggi mearridii jagi 2012, ja dan geažil áigut mii nannet dálkkádatsoahpamuša. Mii vuoruhat dutkama, ođđahutkamiid ja beaktilis dálkkádatdoaibmabijuid ovddidan dihtii ruoná čovdosiid maiguin mii sáhttit eallit.