Stáhtaráđđi Erna Solberg, Ellinor Marita Jåma, Inga Mikkelsen, Ànte Siri, Stáhtačálli Ellen Inga O. Hætta.

Golbma sámi nuora leat nammaduvvon ofelažžan. Sii ožžot stipeandda golbma jagi ja galget mátkkoštit miehtá riikka ja muitalit dáčča nuoraide sámi kultuvrra ja sámi servodatdilálašvuođaid birra. Odne sávai stáhtaráđđi Erna Solberg sidjiide lihku mátkái.

Sámi ofelaččat leat Ellinor Marita Jåma (25), oarjelsámis, Inga Mikkelsen (19) julevsámis ja Ánte Siri (19), davvisámis.

Sámi ofelašdoaibma lea golmmajagi prošeakta. Juohke jagi addo stipeanda golmma sámi nurrii, geat galget mátkkoštit miehtá riikka ja muitalit dáčča ja eará kultuvrraid nuoraide sámi kultuvrra ja servodatdilálašvuođaid birra. Sámi allaskuvla lea prošeaktaovddasvástideaddjin. Ulbmilin lea ovddidit buriid guottuid, dan bokte ahte addit eará kultuvrraid nuoraide dieđuid sámi dilálašvuođaid birra.

Dán čavčča leat ofelaččat čuvvon oahpahusprográmma Sámi allaskuvllas, ráhkkaneapmin iežaset doibmii. Maŋemus oassi oahpahusas lei skuvlejupmi iešguđet fágadepartemeanttain dál juovlamánus. Ođđajagemánu rájes mátkkoštit ofelaččat miehtá riikka ja galledit joatkkaskuvllaid, organisašuvnnaid ja servviid.

Neahttabáikkis www.infonuorra.no leat dieđut ofelašprošeavtta birra ja doppe oaidná geainna sáhttá váldit oktavuođa jus háliida sin boahtit guossái.

Jahkái 2004 lea Gielda- ja guovlodepartemeanta juolludan miljon kruvnno prošektii. Prošeakta jotkojuvvo 2005:s.

Eanet dieđuid sámi ofelaš-prošeavtta birra addá

Sissel Ann Mikkelsen, Sámi allaskuvla, tlf. 78 48 77 00.

10.12.2004