Ekologalaš biebmobuvttadeapmi
Artihkal | Maŋimuš ođasmahttojuvvon: 07.03.2022 | Eanadoallo- ja biebmodepartemeanta
Ekologalaš eanandoaluin lassána biebmovalljivuohta ja geavaheaddjit fidnejit gálvvuid maid ohcalit.
Earenoamáš birasvuhtiiváldin ekologalaš buvttadeamis
Ekologalaš buvttadeapmi dahká norgga eanandoalu eambbo birasustitlažžan ja ceavzilin, go dan ekologalaš doaibmanvuogit fievrreduvvot dábálaš eanandollui.
Ekologalaš doaibmavugiin lea positiivva mearkkašupmi luondduvalljivuhtii. Ekologalaš biepmuid ráhkadeamis eai adno kemiijalaš-syntehtalaš cirgguhanávdnasat ja gieddegilvva. Lotnolasat šaddomolsašumiin leat dás positiivvalaš váikkuhusat biologalaš valljivuhtii. Eanankvalitehta ja struktuvra lea maiddái suorgi gos ekologalaš eanandoallu buktá unnit deaddašuvvan eatnama ja erošuvnna.
Suodjaluvvon doaba
Doaba «ekologalaš» lea suodjaluvvon ekologalaš buvttadeami ja ekologalaš buktagiid merkema njuolggadusaiguin. Njuolggadusat leat oassin EEO-šiehtadusas. EEO-šiehtadusa olis lea almmolaš dárkkistanortnet norgga geasku. Biebmobearráigeahčus lea bearráigeahččanstivrenváldi ja lea fápmudan dárkkistančađaheami Debioi.
Debio galgá dohkkehit dállodoaluid ja fitnodagaid mat áigot buvttadit, reidet ja vuovdit ekologalaš biepmuid. Dohkkehuvvon dállodoalut, reidenfitnodagat, páhkkenfitnodagat, vuovdinlađđasat ja sisafievrredeaddjit dárkkistuvvojit jámma.
Márkan ii leat gearggus
Ekologalaš biebmobuktagiid márkan lea vuos oalle unni, mii dagaha ahte ekologalaččat buvttaduvvon gálvvuid buvttadeapmi ja jearru rievddada. Juohke jagi várrejuvvo eanandoallošiehtadusas ruhta ekologalaš buvttadeapmái ja doaibmabijuide ovdánahttit árvogollosa.
