Falástallanpolitihkka

Stáhtalaš doarjja rusttegiidda

Dehálaš oassi politihkas lea ruhtadeapmi spealloruhtadoarjagiin, mii galgá adnot earret eará hukset falástallanrusttegiid ja doarjut organiserejuvvon doaimmaid. Investerendoarjja falástallanrusttegiid huksemiidda ja rehabiliteremii leat stáda mávssoleamos váikkuhangaskaoapmi falástallansuorggis. Falástallanrusttegiid doarjagiiguin lea stáda veahkkin dasa ahte nu eatnasiin go vejolaš galgá leat vejolaš searvat juogo organiserejuvvon dahje iešheanalaš falástallamii ja lihkadeapmái.

Lea dehálaš doalahit dan prinsihpa ahte báikkálaš vuoruheamit galget leat mearrideaddjin rusttegiid huksemiidda. Lea báikkálaččat suohkaniin ja guvllolaččat fylkkasuohkaniin gos lea vejolaš mearridit dárbbašlaš dárboárvvoštallama.

Stáhtalaš doarjja doaibmaulbmiliidda

Stáda mávssoleamos váikkuhangaskaoapmi falástallansuorggis lea doarjja Norgga falástallansearvái, Norges idrettsforbund, ja olympiija ja paralympiija komiteai (NIF). Doarjja galgá leat veahkkin dasa ahte Norgga falástallamis galget leat buorit ja dássedis rámmaeavttut, mat addet kvalitatiivvalaš buori ja viiddis doaibmafálaldagaid.

Lea falástallanservviid doaibmafálaldagat mat vuosttažettiin duođaštit vejolašvuođa oažžut stáda doarjaga. Lea falástallanservviin gos measta buot doaimmat Norgga falástallamis doaimmahuvvojit.

Vuođđoeaktu stáhta ásahusa falástallanpolitihkas lea ahte NIF lea eaktodáhtolaš, lea vuođđuduvvon miellahtuide ja lea autonoma organisašuvdna. Dat mearkkaša ahte falástallan ieš mearrida rámmaid ja sisdoalu organisašuvnna doaimmaide. NIF ja sin miellahtuin lea ovddasvástádus ovdánahttit doaimmaid iežaset organisašuvnna siskkobealde.

Stáhta vuoruhuvvon ulbmiljoavku NIF doarjagii leat mánát ja nuorat. Dáid joavkkuid lea earenoamáš dárbu movttiidahttit lihkadeapmái. Mánáide ja nuoraide lea falástallan earenoamáš mávssolaš dan dihte go dat doaibmá sosiálalaš deaivvadanbáikin ja lea dakkár mii addá áktanis astoáiggi. Stáhtii lea hui dehálaš ahte láhččo dilli nu ahte buot mánáin ja nuorain lea fálaldat, beroškeahttá makkár ekonomiija váhnemiin lea ja gos riikkas dál orošedje.

Viidáseappot lea stáhta falástallanpolitihkas earenoamáš ovddasvástádus láhčit dili nu ahte doaibmavádjit olbmot sáhttet searvat falástallamii ja eambbo lihkadit.  

Spealloruđaid juohkin falástallanulbmiliidda (Váldojuolludeapmi)

Dás gávnnat listu das movt Norsk Tipping lea juohkán speallobadjelbáhcaga falástallanulbmiliidda. Dat ahte Norsk Tippinga badjelbáza galgá juhkkot falástallanulbmiliidda lea ásahallon ruhtaspeallolágas (pengespilloven) § 12, ja láhkaásahusas mas daddjo ahte Norsk Tipping badjelbáza galgá juhkkot falástallanulbmiliidda, ja láhkaásahusas, mii lea Norska Tippinga badjelbázadoarjaga birra, ja dat galgá mannat falástallan- ja lihkadanrusttegiid huksemiidda ja rehabiliteremii (anleggsforskriften).

Kultur- ja dásseárvodepartemeanttas lea bajit ovddasvástádus hálddašit Norsk Tipping AS badjelbáhcaga  falástallanulbmiliidda. Ollu hálddašandoaimmat mat gusket spealloruđaide, maid galgá juolludit falástallama ja lihkadeami rusttegiidda lea fápmuduvvon suohkaniidda ja fylkkasuohkaniidda. Doaimmaid bealis leat Norgga falástallansearvi, Norges idrettsforbund, ja olympiija ja paralympiija komitea, mat ožžot eanemus ruhtadoarjaga.

Falástallanrusttegat

Dás gávnnat dieđuid doarjagiid birra, mat leat juolluduvvon falástallanrusttegiidda ja lihkadeami rusttegiidda, lassiárvodivadiid buhtadeapmái go falástallanrusttegat leat huksejuvvon ja diehtu movt spealloruđat leat adnon falástallanbiergasiidda.

• Rusttet láhkaásahus (Anleggsforskriften) (hálddašuvvo fylkkasuohkanis): Láhkaásahus mii lea Norsk Tipping badjelbáhcaga doarjaga birra, mii galgá mannat falástallan- ja lihkadeamirusttegiid huksemiidda ja rehabiliteremii – regjeringen.no
• Lassiárvodivadabuhtadeapmi falástallanrusttegiidda - Lottstift
• Spealloruđat falástallanbiergasiidda - NIF

Doarjja Norgga falástallansearvái, Norges idrettsforbund ja olympiija ja paralympiija komiteai (NIF)

Doaibmasuorggi bealde lea NFL buot eanemus guovddáš ovttasbargoguoibmi eiseválddiide.

Riikkaidgaskasaš falástallanovttasbargu

Dákko gávnnat dieđuid Kultur- ja dásseárvodepartemeanta riikkaidgaskasaš barggu birra, mii guoská falástallansuorgái. Departemeanta ovddasta Eurohpáráđi ja iešguđetlágan forumiid mat barget dopema vuostá (antidopingarbeid) ja falástallanrusttegiiguin. Dasa lassin lea eiseválddiid dásis maiddái viiddis davviriikkalaš ovttasbargu falástallansuorggis.