Falástallanrusttegat
Artihkal | Maŋimuš ođasmahttojuvvon: 21.10.2026 | Kultur- ja dásseárvodepartemeanta
Dákko gávnnat dieđuid doarjagiid birra mat juolluduvvojit falástallamii ja lihkadeapmái, lassiárvodivadiid buhttemii go falástallanrusttegat huksejuvvojit ja dieđuid spealloruđaid birra mat juolluduvvojit falástallanbiergasiidda. Spealloruđat falástallanrusttegiid huksemii ja rehabiliteremii galget leat veahkkin dasa ahte addit vejolašvuođa ovttaskas olbmuide vejolašvuođa falástallat ja lihkadit eaktodáhtolaš, miellahttovuđot falástallama bokte, ja iežas organiserejuvvon falástallama ja lihkadeami bokte.
- Ohcat spealloruđaid rusttegiidda, geahča rusttetregistara birra neahttasiiddus anleggsregisteret.no
- Bagadusat ja ulbmilgirjjit, geahča falástallanrusttegiid birra neahttasiiddus idrettsanlegg.no
- Láhkaásahus mii lea Norsk Tipping badjelbáhcaga doarjaga birra, mii galgá mannat falástallan ja lihkadeami rusttegiid huksemiidda ja rehabiliteremii (anleggsforskriften) - Lovdata
- Johtočála 01/26: Doarjjamáksomearit doarjjavuoigaduvvon rusttegiidda ohcanjagi 2027
- Doarjjanjuolggadusat láhttodoaibmabijuide váriin ja ijastallanbarttain - 2026
Doarjja falástallanrusttegiidda ja lihkadeapmái
Spealloruđat falástallanrusttegiid huksemiidda ja rehabiliteremii galget leat veahkkin addit vejolašvuođa ovttaskas olbmuide falástallat ja lihkadit eaktodáhtolaš, miellahttovuđot falástallama bokte, ja iežas organiserejuvvon falástallama ja lihkadeami bokte.
Galget vuoruhuvvot falástallanrusttegat mánáide ja nuoraide 6 jahkásaččaid rájes gitta 19 jahkásaččaide, ja rusttegat mat leat heivehuvvon doaibmavádjitolbmuide.
Earenoamážiid vuoruhuvvojit lagasbirrasiid falástallanrusttegat, mat movttiidahttet ja duhtadit mánáid lihkadandárbbuid organiserejuvvon dahje iežas organiserejuvvon vugiid mielde. Go guoská nuoraide, de lea mihttun ovdánahttit falástallanrusttegiid mat duhtadit nuoraid hástalus- ja variašuvdnadárbbuid. Nuoraide ferte addot vejolašvuohta leat mielde hábmet dakkár falástallanrusttegiid. Rusttegat berrejit doaibmat buorren sosiála deaivvadanbáikin báikkálašservodagain.
Spealloruđat falástallan- ja lihkadanrusttegiid huksemiidda ja rehabiliteremii, main leat viiddis geavahanvejolašvuođat, ja lagasbirasrusttegat leat guovddáš váikkuhangaskaoamit, maiguin gokčá stáhtalaš mihtuid falástallanrusttegiidsuorggis.
Lassiárvodivadiid buhtten go falástallanrusttegat huksejuvvojit
Lea Lotteri- og stiftelsestilsynet (Loadda- ja vuođđudusbearráigeahčču) mii hálddaša buhtadanortnega.
Ortnet gusto falástallanrusttegiidda maid leat huksegoahtán ođđajagimánu 1.beaivvi 2010 rájes. Dat gusto buohkaide geat devdet eavttuid oažžut spealloruđaid Kultur- ja dásseárvodepartemeanta doarjagiid vuođul, go guoská falástallanrusttegiid (oktan rehabiliterema) huksemiidda, earret suohkaniid/fylkasuohkaniid ja suohkanlaš doaimmaid.
Sáhttá ohcat buhtaduvvot lassiárvodivada mii guoská rusttegiidda, mat leat vuogáiduvvan oažžut doarjaga spealloruđaid bokte. Spealloruhtaohcan ferte leat hábmejuvvon formálalaš vuogi mielde ovdal go buhtten sáhttá juolluduvvot. Ii leat gáibádus ahte spealloruđat leat juolluduvvon go galgá sáhttit ohcat buhtaduvvot lassiárvodivada. Rehketdoalloskovvi ja revisoraraporta galget leat mielddusin lassiárvodivatohcamušas.
Spealloruđat falástallanbiergasiidda
Lea NIF mii hálddaša doarjjaortnega falástallanbiergasiidda. Ohcanskovit, ja eambbo dieđut ohcamušvuogádagaide ja njuolggadusat ruhtajuolludemiide gávnnat NIF ruovttusiiddus ja ovttaskas earenoamášsearvvis. NIF neahttasiidu