Norsk Tipping rolla

Norsk Tipping lea stáhtalaš oasussearvi geas lea oktovuoigatvuohta doaimmahit ollu ruhtaspealuid norgga speallanmárkanis.

Norsk Tipping servodatdoaibma lea fállat spealuid mat leat gelddolaččat ja guoimmuheaddji dohkkehuvvon rámmaid siskkobealde. Badjebáza juogaduvvo servodatberošteaddji ulbmiliidda. Oasussearvvi badjebáza juogaduvvo Ruhtaspeallanlága mearrádusaid vuođul.

Eaiggátvuođastivrejupmi

Stáhta eaiggáduššá Norsk Tipping ossosiid 100%. Kultur- ja dásseárvoministtar hálddaša stáhta eaiggátvuođa ja vástida váldočoahkkima. Norsk Tipping lea sierralohpegávpevuođđudus mas leat suorgepolitihkalaš ulbmilat. Oasussearvi galgá doaimmahit ja gaskkustit ruhtaspealuid oadjebas birrasis almmolaš bearráigeahču vuolde, ja vuosttaldit negatiivva váikkuhusaid ruhtaspeallamis, ja seammás galgá maid oasussearvvi ulbmillaš jođiheami bokte láhčit dili dasa ahte spealuid eanaš badjebáza juogaduvvo láhkamearriduvvon humanitára ulbmiliidda. Ruhtaspeallanláhka, váldočoahkkin ja oasussearvvi njuolggadusat muddejit searvvi doaimmaid.