Visuála dáidda

Kulturdepartemeanta fuolaha stáhta beroštumiid dán suorggis juolludemiid bakte ásahusaide ja doaimmaide. Dasa lassin hálddaša Norgga kulturráđđi prošeaktaruđaid ja iešguđetge doarjjaortnegiid visuála dáiddasuorggi oasálaččaide.

Juolludemiid birra ásahusaide ja doaimmaide lea kapihttal 322 vuolde Govvadáidda, giehtadáidda ja almmolašvuohta ja kapihttal 328 vuolde Dávvirvuorkkáide- ja eará kultursuodjalanulbmiliidda Kulturdepartemeanta bušeahtas.

Dieđuid čájáhusbuvttadusa birra gávnnat dás: Informasjon om utstillingsvederlag - avtale mellom staten og kunstnerorganisasjonene (bokmål)

Ođđa visti Vestbanen báikái Našunálamuseai dáidaga, vistehábmema ja designa várás

Bargu ásaheames ođđa vistti Našunálamusea dáidaga, vistehábmema ja designa várás ásahussii Vestbanen báikái Oslos, lea eanemus gáibideaddji proseassa mii lea visuála dáiddasuorggis. Našunálamusea dáidaga, vistehábmen ja designa várás ásahuvvui  suoidnemánu 1.beaivvi 2003 ja fátmmasta Nasjonálagalleriija, Dálááiggedáidaga musea, Vistehábmenmusea ja Dáiddaindustriijamusea.Jagis 2005 sirdojuvvui  Riikkačájáhusat museai.

Dáidda albmosis (KORO)

KORO hálddaša stuorra čoakkáldaga dálááiggedáidagiid mat lea gávdnamis miehtá riikka. Dáidaga ráhkademiin, hálddašemiin ja vel lassin bargat gaskkustan- ja diehtojuohkindoaimmaid, de KORO fuolaha ahte olbmot vásihit árgabeaivvis dálááiggedáidaga almmolaš visttiin ja báikkiin.

Davvi-Norgga Dáiddaguovddáš (DNDG) ja earát

Visuála dáiddasuorggis lea Davvi-Norgga Dáiddaguovddážis guovddášásahusstáhtus. DNDG ovddasvástida earret eará Lofuohta riikkaidgaskasaš dáiddafestivála. Moanat eará ásahusain ja doaimmain lea maiddái ovddasvástádus gaskkusteames visuála dáidaga. Daid dehálepmosiid gaskkas leat Bergen Dáiddahálla, Dáiddáriid Viessu, OCA (Office for Contemporary Art), ja Norgga Govvadáiddárat/Stáhta Dáiddačájáhus (Čakčačájáhus).  OCA:s lea ovddasvástádus Norgga oasseváldiid oassálastin Venezia-biennalenis ja sin váldobargun lea riikkaidgaskasaččat lonohallat dálááiggedáidaga. 
                                                
Moanat stuorra dáiddaásahusat ožžot stáhtadoarjaga našunála museafierpmádaga rámma siskkobealde.