Áigot bajidit divatkeahtes olgoriikkas buktima ráji 500 kruvdnui

Ráđđehus árvala bajidit divatkeahtes olgoriikkas buktima ráji 200 kruvnnos 500 kruvdnui. Submi guoská gálvvuid sáddemii olgoriikkas Norgii priváhta olbmuide. – Dat leat buorit ođđasat olbmuide, geat neahta bokte gávppašit dávviriid olgoriikkas, ruhtadanministtar Siv Jensen dadjala.

Ráđđehus árvala bajidit divatkeahtes olgoriikkas buktima ráji 200 kruvnnos 500 kruvdnui. Submi guoská gálvvuid sáddemii olgoriikkas Norgii priváhta olbmuide. Dat leat buorit ođđasat olbmuide, geat neahta bokte gávppašit dávviriid olgoriikkas, ruhtadanministtar Siv Jensen dadjala.

Dálá rádji lea 200 kruvnno, iige dat leat rievdaduvvon máŋgga jahkái. Seammás go dál bajidit rájá 500 kruvdnui, de rievdadit supmi, nu ahte sádden- ja dáhkádusgolut rehkenastojit mielde dasa, nu mo dábálaš duolloárvonjuolggadusaid mielde galgá. Ráji bajideapmi geahpeda sihke fievrridanfitnodagaid ja geavaheddjiid dili. Eahpesihkkaris vuođuin lea árvvoštallojuvvon, ahte stáhta vearroboađut geahppánit rievdadusa geažil 180 miljovnnain kruvnnuin 2015.

Nu gohčoduvvon álkidahttojuvvon duollomeannudeami rádji lea 1 000 kr dán áigge. Fievrridansearvvit sáhttet dalle geavahit álkidahttojuvvon duollomeannudeami. Ráđđehus árvala bajidit álkidahtton duollomeannudeami rájá 1 000 kruvnnos 3 000 kruvdnui. Álkidahtton duollomeannudeapmi mielddisbuktá unnit goluid fievrrideaddjái, mii fas sáhttá vuolidit geavaheddjiid goluid.