Stáhtabušeahtta 2015

Lágideddjiid gulahallan almmolaš surggiin galgá álki

- Almmolaš doaimmat ja priváhta lágideaddjit geavahit otne stuora resurssaid čađahit fálaldatgilvvuid. Mii fertet guođđit pearpmaid ja báhpiriid ja geavahišgoahtit digitála čovdosiid, cealká gielda- ja ođasmahttinministtar Jan Tore Sanner. Ráđđehus árvala juolludit 11 miljovnna kruvnnu digitaliseret deháleamos osiid háhkanproseassas.

- Almmolaš doaimmat ja priváhta lágideaddjit geavahit otne stuora resurssaid čađahit fálaldatgilvvuid. Mii fertet guođđit pearpmaid ja báhpiriid ja geavahišgoahtit digitála čovdosiid, cealká gielda- ja ođasmahttinministtar Jan Tore Sanner. Ráđđehus árvala juolludit 11 miljovnna kruvnnu digitaliseret deháleamos osiid háhkanproseassas.

- Bures doaibmi digitála čovdosiid bokte lea álki gulahallat almmolašvuođain.  Jos fálaldagaid sádde digitálalaččat dan sadjái go báhpiriin, de sáhttá seastit áiggi ja ruđaid,  ja dat gusto sihke almmolašvuhtii ja hálddašeami lágideddjiide, dadjá gielda- ja ođasmahttinministtar Jan Tore Sanner.

Ráđđehus áigu ásahit oktasaš digitála čovdosa man bokte galgá sáhttit sáddet elektronalaš fálaldagaid. E-gávpeáŋggirdeami (2011-2014) olis leat ovddiduvvon čovdosat ja registarat maid árvaluvvo ođđasit geavahit. Áŋggirdeapmi mearkkaša ovdánahttit guovddáš čujuhusregistara nu ahte beassá sáddegoahtit elektronalaš rehkegiid  ja geavahit e-gávppi (ELMA). ELMA šaddá ollislaš elektronalaš vuostáiváldin- ja čujuhusregisttar sihke almmolaš ja priváhta doaimmaide.

- Lea ruđaid bálkestit duššás jos almmolaš ásahusat ieža fertejit ráhkadit iežaset registariid. E-gávppi čujuhusregistara ođđasis geavaheapmi váikkuha dasa ahte eanet buorit digitála čovdosat ráhkaduvvojit sihke priváhta ja almmolaš suorggis, dadjá Sanner.

Otne leat sullii 240 000 geat čujuhusregistaris ohcet dieđuid juohke bargobeaivvi.  ELMA registrerejuvvon 26 000 geavaheaddjis leat sullii čieža proseantta almmolaš doaimma ja 94 proseantta priváhta.  Ráđđehus árvala ahte Hálddašan ja DGT direktoráhtta galgá vástidit e-gávpeáŋggirdeami.

Almmolaš suorggi háhkanproseassa eanaš osiin čađahuvvo elektronalaš gulahallan oasti ja vuovdi gaskka. Dat dáhpáhuvvá go ráđđehus ásaha ođđa nationála ja EO-vuđot sisaoastinnjuolggadusaid. Ođđa njuolggadusat galget leat sajis ovdal 2018. Ráđđehusa vuoruheapmi lea eaktun čađaheapmái.