Dál ásahit ráddjehusaid vai goazadit omikronvariántta leavvama Norgii

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Dál ásahit ollu ráddjehusaid, vai goazadit ođđa omikronvariántta boahtima riikii.

– Ođđa omikronvariánta orru njoammumin álkibut go deltavariánta. Dássážii leat koronapandemiijas vásihan, ahte virusvariánttat, mat álkibut njommot, njommot buot riikkaide, maiddái Norgii. Mii ásahit danin ollu garra ráddjehusaid, vai ráddjet ja goazadit variántta leavvama dán riikkas, dadjá dearvvašvuođa- ja fuolahanministtar Ingvild Kjerkol.

Ođđa ráddjehusat leat:

  • Isolašuvdnaáigi guhkiduvvo 7 beaivái sidjiide, geat ožžot positiiva vástádusa iskosis, go navdo ahte sis lea omikronvariánta.

  • Mearriduvvo 10 beaivvi njoammunerren lagašoktavuođaide, geat orrot seammá ásodagas ja leat vástideaddji vugiin lagašolbmot dakkár olbmui, geasa navdojuvvo njommon omikronvariánta. Sis gáibiduvvo PCR-iskkus nu johtilit go vejolaš, ja čihččet beaivve ovdal go sii besset erremis. Go oažžu negatiiva iskkusbohtosa 7. beaivve, de beassá erremis.

  • Ásahuvvo iskkahangeatnegasvuohta eará lagašolbmuide, go navdo ahte muhtun lea buohccán omikronvariánttain. Sin galget iskat PCR-iskosiin nu johtilit go vejolaš, ja gaskkal 3. ja 7. beaivvi dan rájes go leat leamaš lagaš oktavuođas, ja galget jos fal vejolaš, garvit lagaš oktavuođa eará olbmuiguin dassái go vuosttaš iskkus lea negatiiva.

  • Buot ráddjehusat gustojit geahčakeahttá boahkuhanstáhtusii.

  • Geatnegasvuođat nohket, jos maŋŋá boahtá ovdan ahte ii leange sáhka omikronvirusvariánttas.

Ráddjehusat leat fámus, ja dat gustojit riikii boahtima ráddjehusaid lassin, maid ráđđehus ásahii lávvardaga čuovganeapmái.

– Ođđa virusvariántta geažil lea ereliiggán mávssolaš johtilit boahkuhit vuosttaš ja nuppiid boahkuiguin buohkaid, geat vel eai leat boahkuhuvvon, ja dievasmahttinboahkuiguin sin, geaidda dat galgá. Mii fertet vuoruhit boahkuhanbarggu, dadjá Kjerkol.


Mo meroštallojit "seammá ásodaga lahtut ja vástideaddji vugiin lagaš olbmot "  -(ÁDI)