Gram oaččui fágamilitearalaš rávvaga suodjalushoavddas

– Fágamilitearalaš ráva lea hui deaŧalaš cealkámuš suodjalussuorggi boahttevaš guhkesáigge gohččunplánii, dadjá suodjalusministtar Bjørn Arild Gram.

Suodjalushoavda bivdojuvvui mannan čavčča buktit iežas fágamilitearalaš rávvaga ráđđehussii das movt Suodjalus ja Norgga oadjebasvuohta galggašii nannejuvvot.

– Mii áigut hukset gievrrat ja nannoset suodjalusa. Suodjaluskommišuvnna, Oppalašgearggusvuođakommišuvnna, suodjalushoavdda ja Nationála oadjebasvuođaorgána rávvagiid bokte lea mus hui buorre vuođđu mearridit movt mii galgat dan dahkat, dadjá Gram. 

Rávvagis addá suodjalushoavda konkrehta rávvagiid čuovvovaš surggiin:

• Nannet iežaset suodjalannávccaid erenoamážit davviguovlluin
• Nannet ovttasdoaibmama lihtolaččaiguin ja NATO:in
• Ovddidit bargiid- ja gelbbolašvuođasuorggi
• Vuostálastit seahkalas áitagiid ja leat mielde unnideame servodaga raššivuođa
• Nannet ollislaš suodjalusa ja dahkat servodaga eambbo vuosttaldannávccalažžan
• Buoridit vejolašvuođaid váldit atnui ođđa teknologiija mii sáhttá nannet suodjalannávcca ja dahkat Suodjalusa beaktileabbon ja eambbo ođđaáigásažžan

Dáppe sáhtát lohkat rávvaga: Suodjalushoavdda fágamilitearalaš ráva 2023 - Suodjalus