Aktiver Javascript i din nettleser for en bedre opplevelse på regjeringen.no

Njuovžileabbo vearronjuolggadusat olgoriikalaš bargiide

Ráđđehus evttoha njuovžileabbo vearronjuolggadusaid gaskaboddosaš olgoriikalaš bargiid várás.

Gaskaboddosaš olgoriikalaš bargiid vearuheamis leat dávjá ollu meattáhusat ja gáibida ollu   resurssaid sihke vearromáksis ja Vearroetáhtas. Dat boahtá earret eará das go njuolggadusat leat moalkái, diehtojuohkin lea váilevaš ja daid lea maid váttis čuovvut. Dasto lea bázahusvearrogáibádus váttis bargu ja dárkkistannávccat leat maid ráddjejuvvon. Ráđđehus evttoha dan geažil njuovžileabbo vearronjuolggadusaid.

Oanehaččat čilgejuvvon de  evttohuvvo ahte bálkádienas vearuhuvvo bruttovuogi mielde ja vearromáksomearri galgá leat 25 proseantta. Vearromáksi ii oaččo vearuhanvuođus makkárge gessosa. Bargoaddi galgá dađis geassit vearu vearromáksomeari mielde ja dieđáhus galgá sáddejuvvot Vearroetáhtii. Vearromáksi ii dárbbaš almmuhit vearrodieđáhusa bálkádietnasis mii lea vearuhuvvon dán ortnega vuođul. Ortnet ii gusto sidjiide geat dinejit eanet go ceahkkálasvearo goalmmát ceahki dahje jos dienas boahtá fitnodagain. Olmmoš ieš mearrida háliida go geavahit ođđa ortnega. Dat mearkkaša ahte vearromáksi ieš mearrida háliida go vearuhuvvot vearrolága dábálaš njuolggadusaid mielde.

Ráđđehus evttoha maid heaittihit erenoamáš standárdagessosiid mat gustojit olgoriikalaš bargiide. Sii geat barget Norgga nannánjuolggis ja olgoriikalaš mearraolbmát besset doalahit gessosiid dan sivas go ođđa ortnet ii gusto sidjiide.

Loga eanet Prop. 86 LS (2017–2018) Vearro-, divat- ja duollolága rievdadusat, kapihtal 4.

Bajás