Ođđa láhkaásahus roassogearggusvuođa lassidoarjaga birra
Ođas | Almmustahtton: 04.02.2022 | Maŋimuš ođasmahttojuvvon: 08.02.2022 | Eanadoallo- ja biebmodepartemeanta
Eanandoallo- ja biebmodepartemeanta lea odne nannen ođđa láhkaásahusa, mii guoská roassogearggusvuođa lassidoarjagii.
Eanandoallo- ja biebmodepartemeanta ja Norgga Boazosápmelaččaid Riikkasearvi šadde ođđajagemánu 28. b. 2022 ovtta oaivilii dan hárrái, ahte fámuhuhttet geassemánu 20. b. 2019 láhkaásahusa nr 852 roassogearggusvuođa lassidoarjaga birra. Oassebealit šadde maid ovtta oaivilii dan hárrái makkárin roassogearggusvuođa doarjaga hábmejit ođđa láhkaásahusas.
Šiehtadusa oassebealit leat ovtta oaivilis dan hárrái, ahte roassogearggusvuođa vuogádat addá buriid rámmaid duostut goahtunroasu, mii máŋgga guvlui lea šaddamin. Ulbmilin lea leamaš álkidahttit doarjagiid meannudeami, nu ahte doarjagiid sáhttet máksit orohagaide johtilit. Nuba šiehtadusa oassebealit šadde ovtta oaivilii dan hárrái, ahte doarjaga bidjet orohaga iežas gearggusvuođafondii.
Šiehtadusa oassebealit šadde ovtta oaivilii dan hárrái, ahte jos orohagat leat jo ohcan roassogearggusvuođa lassidoarjaga, de ohcamušaid meannudit ođđa láhkaásahusa vuođul.
- Liŋka ođđa láhkaásahussii: Forskrift om ekstraordinært tilskudd til kriseberedskap - Lovdata