Ođđa boazodoallostivra 2023-2026

– Boazodoallostivra, mii doaibmá bures, lea mávssolaš boazodoallopolitihka ollašuhttimii. Lean duhtavaš, go leat nammadan boazodoallostivrra, mas lea govttolaš geográfalaš juohku, máŋggabealat duogážat ja buorre sohkabealledássádat, dadjá eanandoallo- ja biebmoministtar Sandra Borch.

Inge Ryan joatká boazodoallostivrra jođiheaddjin ođđa njealji jagi áigodaga. Maiddái Ragnhild Sparrok Larsen guovttos Asgrim Opdalain joatkiba. Stivrra ođđa áirasat leat Hege Føsund Christiansen, Ellinor Marita Jåma, Anders Johansen Eira ja Peder Ingar Buljo.

Ođđa boazodoallostivrra čohkiidus

Eanandoallo- ja biebmodepartemeanta lea nammadan lahttun:

• Jođiheaddji: Inge Ryan, penšunista
  Várrelahttu: Christian Rekkedal, Vestlándda stáhtahálddašeaddji eanandoallodirektevra

• Ragnhild Sparrok Larsen, Nordlándda boazoguohtunguovllu badjeolmmoš
  Várrelahttu: Lars Elias Bransfjell, Mátta-Trøndelága badjeolmmoš

• Asgrim Opdal, eanandoalli ja Filefjell boazosearvvi jođiheaddji
  Várrelahttu: Ragnhild Normann Jacobsen, Vågå boazosearvvi guođoheaddji

• Hege Føsund Christiansen, Álttá politiijainspektevra
  Várreláhttu: Kjetil Linde Holo, Drammen gieldda advokáhtta

Sámediggi lea nammadan dáid lahtuid:

• Ellinor Marita Inderdal Jåma, Raarvihke gielddadirektevra
  Várrelahttu: Elin Magga, Nuorta-Finnmárkku boazoguohtunguovllu badjeolmmoš

• Anders Johansen Eira, Oarje-Finnmárkku boazoguohtunguovllu badjeolmmoš
  Várrelahttu: Leif Anders Somby, Nuorta-Finnmárkku boazoguohtunguovllu badjeolmmoš

• Peder Ingar Buljo, Romssa boazoguohtunguovllu badjeolmmoš
  Várrelahttu: Nils Johan Kappfjell

Duogášdieđut

Boazodoallostivra lea almmolaš hálddašanorgána, mii doaimmaha iešguđetlágan áššiid boazodoallolága vuođul, dahje dan vuođul addojuvvon mearrádusaid vuođul. Dat veahkeha maid eiseválddiid olahit bajit dási ulbmiliid, maid Stuorradiggi mearrida boazodoallopolitihkkii. Stivra galgá maid addit fágalaš rávvagiid boazodoalu hálddašeapmái, boazodutkamii ja bagadallanbálvalussii.

Boazodoallostivrras leat čieža lahtu ja sin persovnnalaš várrelahtut. Eanandoallo- ja biebmodepartemeanta (EBD) nammada jođiheaddji, golbma lahtu ja sin várrelahtuid. Sámediggi nammada golbma lahtu. Boazodoallolága § 71 vuođul galgá boazodoallostivrra nammadeames «deattuhit govttolaš ovddasteami iešguđet guovlluin, viiddis fágalaš duogáža ja servodathárjáneami, ja nu ovtta meari olbmuid goappá nai sohkabealis go vejolas».

Norgga Boazosámiid Riikkasearvi (NBR) evttoha sihke EBD:i ja Sámediggái geat heivešedje Boazodoallostivrra lahttun.