Ráđđehus cealká ahte eksámenat eai lágiduvvo
Ođas | Almmustahtton: 01.03.2022 | Máhttodepartemeanta
Ráđđehus lea cealkán, ahte eanaš dán giđa dábálaš oahppieksámeniin vuođđo- ja joatkkaskuvllas eai lágiduvvo.
Diimmá láhkái lágidit ain privatistaeksámeniid ja muhtun eksámeniid ohppiide, geain leat erenoamáš dárbbut, ja geat dan geažil dárbbašit beassat eksámenii. Fága- ja sváinnasreiveiskosiid maid lágidit.
Ráđđehusa evttohus leat lágitkeahttá eksámeniid sáddejuvvui gulaskuddamii guovvamánu 14. beaivve. Cealkináigemearri lei guovvamánu 20. beaivve. Eanaš gulaskuddaninstánssat dorjo, ahte eksámenat eai lágiduvvo.
Gaskaboddosaččat suvvet maiddái heivehit fága- ja diibmojuogu, go dat lea leamaš vealtameahttun njoammuneastadandoaimmaid geažil, nu mo lea leamaš guokte ovddit skuvlajagi maid.