Ruhtadandepartemeanta viiddida lassiárvodivatluvvema govvadáidagis
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 55/2016 | Almmustahtton: 15.11.2016 | Maŋimuš ođasmahttojuvvon: 01.12.2016
Dáidagiid ovddas ii galgga máksit lassiárvodivada. Duollotariffa meroštallá mii dohkkehuvvo dáiddan dán oktavuođas. - Bjarne Melgaard-ášši čájehii ahte lea dárbu johtilis rievdadusaide. Odne rievdadat njuolggadusaid nu ahte lassiárvodivatluvven ii ráddjejuvvo dan ektui movt tuollotariffa meroštallá govvadáidaga. Dat dahká ahte dál sáhttit čoavdit Melgaard-ášši beaivvi mielde, cealká ruhtadanministtar Siv Jensen (OvB).
Dat ahte duollotariffa divatmeroštallan mearrida mii lea dáidda sáhttá addit eahpegovttolaš váikkuhusaid. Ruhtadandepartemeanta rievdada danne njuolggadusaid vai govvadáidda luvvejuvvo duollotariffas. Rievdadusat doaibmagohtet nu johtilit go vejolaš. – Lean ilus go Melgaard-ášši dál čovdojuvvo, dadjá ruhtadanministtar Siv Jensen (OvB).
Ruhtadandepartemeanta árvvoštallá maid lassiárvodivatluvvema eará dáiddadujiid ektui vai njuolggadusat šaddet eanet áigeguovdilat. Rievdadusárvalus sáddejuvvo gulaskuddamii.
Váldonjuolggadus lea ahte lassiárvodivat galgá máksojuvvot buot gálvvuid ovddas mat vuvdojuvvojit Norggas dahje fievrriduvvojit Norgii. Divatgeatnegasvuođas lea vejolaš spiehkastit jos dat guoská dáiddáriid iežaset dáidagiidda. Luvven ráddjejuvvo dáiddadujiid šlája mielde (maleriijat, sárgumat, originála grafihkka, giehtadáidda ja dáiddalaš govat) ja duollotariffa lagat mearrádusaid mielde.