Sámeministtar deaivvada Sámedikki presideanttain

Vuosárgga juovlamánu 9. b. deaivvada gielda- ja ođasmahttinministtar Jan Tore Sanner Sámedikki presideanttain Aili Keskitalo. Dát lea sudno vuosttaš deaivvadeapmi maŋŋágo Sanner válddii badjelasas ovddasvástádusa sámepolitihkas maŋŋá ráđđehusmolsuma ja maŋŋá Keskitalo válljejuvvui Sámedikki ođđa presideantan.

Vuosárgga juovlamánu 9. b. deaivvada gielda- ja ođasmahttinministtar Jan Tore Sanner Sámedikki presideanttain Aili Keskitalo. Dát lea sudno vuosttaš deaivvadeapmi maŋŋágo Sanner válddii badjelasas ovddasvástádusa sámepolitihkas maŋŋá ráđđehusmolsuma ja maŋŋá Keskitalo válljejuvvui Sámedikki ođđa presideantan.
 
Jahkebeallásaš gulahallančoahkkin dollojuvvo Oslos ja soai áiguba ságastallat earret eará dáid áššiid birra:

  • Sámegiella, sámi rádjerasttideaddji giellaovttasbargu
  • Bušeahttaáššit
  • Sámeálbmotfoanda
  • Konsultašuvnnaid čađaheapmi
  • Bargu davviriikkalaš sámekonvenšuvnnain
  • Sámi vuoigatvuođalávdegotti čuovvoleapmi

Ieš čoahkkin ii leat rabas pressii.
Mediat besset filbmet/govvet álgogeahčen čoahkkima.

Báiki: Stáhtaráđi čoahkkinlatnja, 7. geardi R5:s (Akersgata 59)
Áigi: Vuosárgga juovlamánu 9. b. dii. 13.00
Čoahkkaneapmi: Preassa bivdojuvvo boahtit maŋimusat dii. 12.45 registrerema várás.
 
Gulahallit:
Frode Jacobsen, 99 52 34 95 (Jan Tore Sanner bealis)
Jan Roger Østby, 481 44 696 (Aili Keskitalo bealis)
 
Gulahallančoahkkima duogáš:
Stáhta eiseválddiid ja Sámedikki gaskasaš konsultašuvdnašiehtadusa vuođul galget dollojuvvot bistevaš jahkebeallásaš politihkalaš čoahkkimat gaska sámeáššiid stáhtaráđi ja Sámedikki presideantta. Eanaš bistevaš jahkebeallásaš politihkalaš čoahkkimiin galgá váldit ovdan sámi servodagaid dili ja ovddidandárbbuid, deaŧalaš prinsihpalaš áššiid ja proseassaid maiguin leat bargamin.