Stuoradiggedieđáhus Norgga beroštumiid ja politihka birra Bouvetøya nammasaš báikkis

Ráđđehus lea otne ovddidan dieđáhusa Stuoradiggái Norgga beroštumiid ja politihka birra mat gustojit Bouvetøyai. Bouvetøya šattai 1930:s oassin Norggas.

Dieđáhus čilge viidát iešguhtet áššiid birra mat gusket sullui ja lagaš mearraguovlluide, ja politihka mii galgá ovddiduvvot boahttevaš jagiid. Dieđáhus ovddiduvvo seamma áiggis go dieđáhus Stuoradiggái Norgga beroštumiid ja politihka birra mat gustojit Antárktisii.  Dáinna lágiin ovddidat mii ollislaš čielggadeami Norgga beroštumiid ja politihka birra mat gustojit lulli poláraguovlluide. Bouvetøya lea Antárktis-traktáhta  doaibmaguovllu davábealde, ja gullá eahpitkeahttá Norgii.  Dan geažil ovddidat sierra dieđáhusa Bouvetøya birra.

Mii almmuhat ahte politihkka eai ge plánat ođđa doaimmaid birra galgga rievdaduvvot.

– Dieđáhusa bokte ráđđehus nanne ahte sullo ja mearraguovlluid ektui galgá viidáset fievrriduvvot oktilaš ja diehttevaš politihkka mas lea máhttovuđot hálddašeapmi, mii čuovvu  seammá prinsihpaid go mearra- ja poláraguovlluid hálddašeapmái muđui, dadjá justiisa- ja gearggusvuođaministtar Anders Anundsen (OB).   

Mii rehkenastit ahte Bouvetøya lea máilmmis eanemus gáiddus suolu, ja lagaš mearraguovllut leat suodjaluvvon luonddureserváhttan. Ráđđehus deattuha ahte erenoamáš birasárvvut dán guovllus galget gáhttejuvvot, ja suolu galgá ain geavahuvvot kártendoaimmaid, dutkamiid ja birasvákšundoaimmaid oktavuođas.

Ráđđehus ovddida otne dieđáhusa Norgga beroštumiid ja politihka birra mii gusto Bouvetøyai. Dieđáhusas namahuvvojit maiddái mearraguovllut Bouvetøya olggobealde, maid Norga 2009:s lea namahan ON kontinentálakommišuvdnii nannánjuolggi sturrodaga oktavuođas.

Norga áigu riddostáhtan ja geatnegahtti resursahálddašeaddjin áimmahuššat Norgga vuoigatvuođaid ja geatnegasvuođaid, go joatká dutkandoaimmaid ja resurssaid kártendoaimmaid mearraguovlluin, maiddái nannánjuolggis.  

– Ráđđehus áigu geahčadit Bouvetøya guoskevaš láhkamearrádusaid, dainna ulbmilin ahte čielggadit, ođasmahttit ja čorget láhkamearrádusaid ja hálddahuslaš áššiid. Dieđáhus dovddaha maid ahte ulbmil lea árvvoštallagoahtit berre go ee. stáhtarievttálaš beliid  muddet sierra lágas, dadjá justiisa- ja gearggusvuođaministtar Anders Anundsen.

Meld. St. 33 (2014–2015)