Statistihkalaš guovddášbyrå

Statistihkalaš guovddášbyrå (SSB) ráhkada ja almmuha almmolaš statistihkaid Norggas ja bargá vel dasa lassin ollu dutkanbargguid.

SSB statistihkka gokčá eanas servodatsurggiid. SSB:s lea ovddasvástádus našunálarehketdoalus ja eará deaŧalaš ekonomalaš statistihkas. Dát leat dieđut mat earret eará geavahuvvojit našunálabušeahtta- ja guhkesáiggeprográmmabarggus. Eará ovdamearkkat ekonomalaš statistihkas leat logut Norgga olgoriikka gávppašeamis, vearrosisaboađuin, haddegoargŋumis, buvttadeamis, barggahusas ja bargguhisvuođas. SSB:s lea maid ovddasvástádus ovttastahttit statistihka maid eará almmolaš etáhtat leat ráhkadan, ja váldoovddasvástádus Norgga oassálastimis riikkaidgaskasaš statistihkkabarggus.

Juovlamánu 31. beaivvi 2016 ledje SSB:s 885 bargi, ja jagi 2017 bušeahtta lea 849,7 miljovnna ruvnno. Sullii 27 proseanta SSB goluin jagis 2017 vurdojuvvojit gokčot bargguiguin almmolaš ja priváhta ásahusaid ovddas ja maid ovddas ožžot mávssu, ja loahppa gokčojuvvo stáhtabušeahta juolludemiiguin. SSB lea Kongsvingeris ja Oslos.

Neahttasiidu: https://www.ssb.no/