Vearroetáhtta

Vearroetáhtta galgá láhčit dili nu ahte vearut ja divadat mearriduvvojit ja máksojuvvojit rievttes ládje, fuolahit ahte riikkas lea ođasmahttojuvvon álbmotregisttar ja fállat buori bálvalusa.

Vearroetáhta váldobarggut lea mearridit ovdagihtiivearu, dárkkistit vearro- ja divatgeatnegasaid ja goalmmátbeali vearrodieđáhusaid vuođu, mearridit ja dárkkistit álbmotoadjodivadiid ja vearu opmodagas, mearridit ja bearrat lasseárvodivada ja sierradivadiid, dárkkistit ja bearráigeahččat suohkaniid vearrosisagáibideddjiid njuolggovearuid ja bargoaddidivada bearrama ja maiddái Álbmotregistara hálddašeami.  

Stáhta bearranguovddáš šattai ođđajagimánu 1. beaivvi 2015 rájes oassin Vearroetáhtas. Etáhta válddii ođđajagimánu 1. beaivvi 2016 badjelasas Duolloetáhta ovddasvástádusa registrerejuvvon divatgeatnegasaid sierradivadiid hálddašeamis ja sierradivadiid, duollu ja sisafievrredanlasseárvodivada bearramis. Ođđajagimánu 1. beaivvi 2017 rájes válddii etáhta maid badjelasas hálddašanovddasvástádusa sisafievrredanlasseárvodivadis ja sierradivadiin divatgeatnegasain mat eai leat registrerejuvvon.

Loahpageahčen 2016 ledje Vearroetáhtas 6 768 bargi, ja jagi 2017 bušeahtta lea 6 409,6 miljovnna ruvnno.

Neahttasiidu: https://www.skatteetaten.no/