Álbmotdearvvašvuođaossodat

Ovddasvástádussuorggit

Ossodat lea juhkkojuvvon čuovvovaš sekšuvnnaide: Álbmotdearvvašvuođasekšuvdna, biebmodili ja biebmosihkarvuođa sekšuvdna, ja alkohola-, narkotihka- ja duhpátpolitihka sekšuvdna.

Ossodagas leat earret eará barggut mat leat čadnon psyhkalaš dearvvašvuhtii, birasnjulgejuvvon dearvvašvuođasuodjalussii, njoammunsuodjalussii ja hiv/aids eastadeapmái, biebmosihkarvuhtii ja juhkančáhcái, alkohola-, narkotihkka- ja duhpáteastadeapmái, doaibmabijuide eanet fysalaš doibmii, vaháteastadeapmái ja ahkeustitlaš servodagaid heiveheapmái. Suonjardanbearráigeahčču ja gearggusvuohta atomadáhpáhusaid vuostá gullet maid ossodaga ovddasvástádussuorgái. Olu dáid surggiin lea davviriikkalaš, eurohpálaš ja riikkaidgaskasaš ovttasbargu dehálaš.

Ossodagas lea ovddasvástádus máŋga láhkasuorggi ovddas, earret eará alkoholalága, atomaenergiijalága, boarrásiidáittardanlága, álbmotdearvvašvuođalága, kosmetihkkalága, biebmolága, suonjardanbearráigeahččolága, duhpátvahátlága ja viidnamonopolalága ovddas.

Ossodatjođiheaddji: Ekspedišuvdnahoavda Line Vold

Ossodaga čuovvovaš sekšuvnnat:

• Álbmotdearvvašvuođasekšuvdna

  Sekšuvnnas leat barggut surggiin psyhkalaš dearvvašvuohta, dearvvašvuođaanalysat, birasnjulgejuvvon dearvvašvuođasuodjalus, njoammunsuodjalus (maiddái hiv-eastadeaddji bargu) ja suonjardanbearráigeahčču.

• Alkohola-, narkotihka- ja duhpátpolitihka sekšuvdna

  Sekšuvnnas lea ovddasvástádus eastadeaddji alkohola-, narkotihkka-, duhpát- ja dopenpolitihka ovddas.

• Biebmodili ja biebmosihkarvuođa sekšuvdna

  Sekšuvnnas lea ovddasvástádus dearvvašvuođaovddideaddji ja dávdaeastadeaddji barggu ovddas biebmosihkarvuođas ja biebmodilis.