Dearvvašvuođariekteossodat
Dearvvašvuođariekteossodagas lea ovddasvástádus eanas lágaid ja láhkaásahusaid ovddas mat leat Dearvvašvuođa- ja fuolahusdepartemeantta suorggis.
Dearvvašvuođariekteossodagas lea ovddasvástádus eanas lágaid ja láhkaásahusaid ovddas mat gullet Dearvvašvuođa- ja fuolahusdepartemeantta suorggi vuollai. Dasa gusket earret eará čuovvovaš lágat:
- pasieanta- ja geavaheaddjeriekteláhka
- spesialistadearvvašvuođabálvalusláhka
- dearvvašvuođa- ja fuolahusbálvalusláhka
- bátnedearvvašvuođabálvalusláhka
- dearvvašvuođabargiidláhka
- dearvvašvuođabearráigeahččoláhka
- dearvvašvuođagearggusvuođaláhka
- njoammunsuodjalusláhka
- pasieantavahátláhka
- láhka psyhkalaš dearvvašvuođasuodjalusa birra
- dearvvašvuođadoaimmahatláhka
- láhka molssaevttolaš divššu birra
- dikšunbiobáŋkkoláhka
- bioteknologiijaláhka
- abortaláhka
- transplantašuvdnaláhka
Ossodaga ovddasvástádus lágaid ja láhkaásahusaid ovddas mearkkaša ráhkadit, ođasmahttit ja álkidit dálá njuolggadusaid.
Dearvvašvuođariekteossodat meannuda maid eará departemeanttaid evttohusaid lágaid ja láhkaásahusaid rievdadeami birra dahje evttohusaid ođđa lágaide ja láhkaásahusaide.
Ossodatjođiheaddji: Ekspedišuvdnahoavda Elisabeth Salvesen