Direktoráhta birra

Suoidnemánu 1. beaivvi rájes lea Luondduhálddašandirektoráhtta ja Dálkkádat- ja nuoskkidandirektoráhtta ovttastahttojuvvon ja ođđa namman lea Birasdirektoráhtta. Ođđa direktoráhtta váldá badjelasas doaimmaid ja ovddasvástádusa mat ovdal gulle dán guovtti direktoráhtaide, ja lea gávdnamis sihke Oslos ja Troandimis.

Suoidnemánu 1. beaivvi rájes lea Luondduhálddašandirektoráhtta ja  Dálkkádat- ja nuoskkidandirektoráhtta ovttastahttojuvvon ja ođđa namman lea Birasdirektoráhtta. Ođđa direktoráhtta váldá badjelasas doaimmaid ja ovddasvástádusa mat ovdal gulle dán guovtti direktoráhtaide, ja lea gávdnamis sihke Oslos ja Troandimis.

Birasdirektoráhtas leat sullii 700 mielbargi. Eatnasat dain barget min kantuvrrain Troandimis ja Oslos. Troandimis leat dat ossodagat main lea váldoovddasvástádus luondduhálddašanáššiin. Oslos leat dat ossodagat main váldoovddasvástádus lea áššit mat gullet dálkkádahkii ja nuoskkideapmái.

Stáhta luonddubearráigeahčču (SNO) lea oassin direktoráhtas ja das leat mielbargit badjel 60 báikkálaš kantuvrrain.

Hálddašit norgga luonddu ja eastadit nuoskkideami

Birasdirektoráhtas leat guovddáš doaimmat ja ovddasvástádus hálddašeames norgga luonddu ja eastadeames nuoskkidemiid.

Direktoráhta galgá gozihit birasdili ja gaskkustit dieđuid, ja galgá leat eiseváldi, jođihit ja bagadit guovlulaš ja suohkanlaš dási, ovttasbargat guoskevaš suorgeeiseválddiiguin, leat fágalaš ráđđeaddin ja searvat riikkaidgaskasaš birasbargui.

Barggu mihttomearri:

Ráđđehus ja Stuoradiggi dat mearridit mii biraspolitihka áigumuš galgá leat. Biraspolitihkka lea juhkkojuvvon iešguđetge boađussurggiide mas leat čielga nationála mihttomearit.
Birasdirektoráhtas leat dehálaš doaimmat mat galget váikkuhit dasa ahte jokset mihttomeriid dáid surggiin:

  • stáđis dálkkádat ja nannoset heivehannákca
  • šláddjás vuovddit
  • geasuheaddji duottarguovllut
  • suohkadis njeaššeguovllut
  • mirkkohis biras
  • aktiivvalaš olgunastin
  • mávssolaš kultureanadat
  • ealli áhpi ja riddu
  • eallinfámolaš jogat ja jávrrit
  • doabbarat ja ođđasit ávkkástallan
  • ráinnas áibmu ja unnit riedja

Ná oaččut oktavuođa Birasdirektoráhtain 2013 suoidnemánu 1. beaivvi rájes:

Telefovdna: 03400 / 73 58 05 00
Telefaksa: 73 58 05 01
E-boasta: post@miljodir.no
Neahttačujuhus: www.miljodirektoratet.no
Boastačujuhus: Birasdirektoráhtta, Boastaboksa 5672 Sluppen, 7485 Troandin
Gallestančujuhus: Brattørkaia 15, 7010 Trondheim - Strømsveien 96, 0663 Oslo

Neahttasiidu: http://www.miljodirektoratet.no/