Aktiver Javascript i din nettleser for en bedre opplevelse på regjeringen.no

Svalbárdda birasgáhttenfoanda

Svalbárdda birasgáhttenfoanda lea ásahuvvon Svalbárda-biraslága mearrádusaid vuođul, ja foandda ruđaid sáhttá dušše geavahit birasgáhttenulbmiliidda Svalbárddas.

Foandda sisaboađut leat vuosttamužžan mátkkošteddjiid birasdivadat ja foanda juolluda jahkásaččat sullii 10-16 miljovnna ruvnnu birasgáhttenprošeavttaide, priváhta ja almmolaš ohcamušaid vuođul. Foanda geavaha ruđaid prošeavttaide ja jođiheapmái Dálkkádat- ja birasdepartemeantta juolludusreivve mielde.   

Prošeaktadoarjja addojuvvo kulturmuittuid seailluheapmái ja fuoladeapmái, diehtojuohkin- ja oahppodoaimmaide ja prošeavttaide maid ulbmil lea birasdilálašvuođa guorahallat ja buoridit. Juolludusat vuoruhuvvojit doaibmabijuide mat njuolgut dahje eahpenjuolgut veahkehit suodjalit ja gáhttet Svalbárdda mehciid ja ovddidit birasseasti servodatovdáneami ássanguovlluin.

Svalbárdda áššeolmmái doaibmá foandda čállingoddin ja Dálkkádat- ja birasdepartemeantta nammadan stivra dahká juolludusmearrádusaid. 

Neahttasiidu: http://www.miljovernfond.no/

Bajás