Ossodagat

Departemeanttas leat vihtta ossodaga, bargoveahkaovttadat ja gulahallanovttadat.
  • Gulahallanovttadat

    Gulahallanovttadat ovddasvástida departemeantta gulahallandoaimmaid. Ovttadat hálddaša mediaoktavuođaid politihkalaš jođihangotti ja departemeantta ovddas, čállá álgoevttohusa preassadieđáhusaide, sáhkavuoruide, sártniide, doallá lagaš oktavuođa mediain, ovddasvástida sosiála mediaid ja digitála kanálaid, ja addá diehtojuohkinfágalaš rávvagiid fágaossodagaide ja politihkalaš jođihangoddái.

  • Ceavzilvuođa- ja nuppástuhttinossodat

    Ossodaga ovddasvástádussii gullá ovddidit dálkkádat- ja biraspolitihka, ekonomalaš ovdáneapmi ja ruoná nuppástus. Ossodat ovddasvástida trohpalaš arvevuvddiid ja multilaterála bargguid.

    Ekspedišuvdnahoavda Torstein Lindstad

  • Áhpe- ja nuoskkidanossodat

    Ossodat vástida strategiija- ja politihkkaovddidan- ja hálddašanáššiid mat gusket áhpe-  ja davviguovlluide, nuoskkideapmái, birasmirkkuide, doapparhálddašeapmái (das maiddái mariidna nuoskkideapmi ja mikroplásta) ja birasáššiid mat gusket EES-, gávpe- ja investerenšiehtadusaide.

    Ekspedišuvdnahoavda Ida Margrethe Juell

  • Dálkkádatossodat

    Ossodaga ovddasvástádussii gullá ovddidit nationála dálkkádatpolitihka ja bargat riikkaidgaskasaš dálkkádatsuorgái guoskevaš áššiiguin. Ossodat galgá maid ovddasvástidit báikkálaš áibmokvalitehta, ja das lea maid bajimus ovddasvástádus biras- ja ovdánahttináššiide.

    Ekspedišuvdnahoavda Ingvild Sæverud

  • Kulturbirasossodat

    Ossodaga váldoovddasvástádus lea ovddidit strategiijaid ja politihka kulturmuittuid ja kulturbirrasa seailluheapmái ja guoddevaš geavaheapmái, ja dálkkádaga ja birrasa birra polára- ja davviguovlluin. Guovddáš bargosuorggit leat arkeologiija, huksensuodjalus, fatnasat, kulturmuittut, kulturbiras ja kulturhistorjjálaš eanadat, kulturbirasgáhttemat ja kulturhistorjjálaš árvvut gávpot- ja čoahkkebáikeovdánahttimis, birashálddašeapmi Svalbárddas ja birasovttasbargu polára- ja davviguovlluin. Ossodagas lea maid ovddasvástádus máilmmiviidosaš bargosurggiid ovddas nu go earret eará máilmmiárbbi ovddas (Unesco), EO/EES, Arktis ja Antarktis. Ossodat lea ožžon etáhtastivrenovddasvástádusa Riikkaantikvára, Norgga kulturmuitofoandda, Norgga Polárainstituhta ja Svalbárdda birasgáhttenfoandda ovddas, ja galgá áimmahuššat departemeantta gulahallama regionála kulturbirashálddašemiin.

    Ossodatdirektevra Aud Ingvild Slettemoen

  • Luondduhálddašanossodat

    Ossodaga váldoovddasvástádus lea ovddidit politihka áimmahuššat luonddušláddjivuođa eatnamiin ja sáivačáziin, ja sihkkarastit ollislaš luondduhálddašeami guoddevaš geavaheapmái. Ossodat galgá maid ovddasvástidit boraspirehálddašeami.

    Ekspedišuvdnahoavda Lene Lyngby

  • Organisašuvdnaossodat

    Ossodat áimmahuššá politihkalaš jođihangotti ja departemeantaráđi bargoveagadoaimmaid, ja ovddida ja fuolaha stivrenvuogádagaid ja mearrida bajitdási njuolggadusaid beaktilis ja oktiiheivehuvvon jođiheapmái.

    Ekspedišuvdnahoavda Frode Tarjei Selman