Luondduhálddašanossodat

Ossodaga váldoovddasvástádus lea ovddidit politihka áimmahuššat luonddušláddjivuođa eatnamiin ja sáivačáziin, ja sihkkarastit ollislaš luondduhálddašeami guoddevaš geavaheapmái. Ossodat galgá maid ovddasvástidit boraspirehálddašeami.

Ossodaga čuovvovaš sekšuvnnat:

  • Ossodatčállingoddi

    Sekšuvdna ovddasvástida stáhtabušeahta, ekonomiijastivrejumi, doarjjahálddašeami, raporterendoaimmaid, rehketdoalu loahpaheami stáhtarehketdoalu oktavuođas, bargoveagahálddašeami ja doaibmaplánabargguid mat gusket Luondduhálddašanossodaga bargosuorgái. Sekšuvdna veahkeha dan lassin jođihanáššiin ja koordinere ollu hálddahuslaš áššiid Luondduhálddašanossodaga ovddas. Sekšuvdna koordinere maid Birasdirektoráhta, Šládjabáŋkku ja stáhtahálddašeddjiid birasgáhttenossodagaid stivrendoaimmaid departemeantta bealis.

  • Šládjasekšuvdna

    Sekšuvnnas lea ovddasvástádus bargui mii guoská boraspirehálddašeapmái, genamuddejuvvon organismmaide, áitojuvvon šlájaid gávppašeapmái, biraskriminalitehtii, ja dasa gullá maid áimmahuššat luonddušláddjivuođa kultureanadagain ja rabas vuollegis eatnamiin.

    Ossodatdirektevra Torbjørn Lange

  • Luonddu- ja olgoáibmoeallinsekšuvdna

    Sekšuvnna bargui gullá áimmahuššat luonddušláddjivuođa várreguovlluin, njeaššeeatnamiin ja vuvddiin. Sekšuvdna galgá maid departemeantta ovddas fuolahit olgoáibmodoaimmaid, mohtorjohtolaga mehciin ja čázádagain, Marka ja lundui huksejuvvon galledanguovddážiid.

    Ossodatdirektevra Øivind Dannevig

  • Servodatekonomiija- ja gaskaoapmesekšuvdna

    Sekšuvdna bargá áššiiguin mat gusket servodat- ja luondduovdáneami gaskavuođaide. Sekšuvdna ovddida ollislaš ja ekovuogádahkii vuođđuduvvon hálddašeami ja geahčada movt servodat sáhttá dustet luondduriskkaid. Sekšuvdna koordinere maid áitojuvvon luonddu gáhttendoaimmaid ja ráhkada luonddurehketdoalu. Sekšuvdna ovddasvástida maid norgga lundui guoskevaš kárten- ja vákšunbargguid, ja muđui eanahálddašanáššiid, energiijaáššiid ja njuolggadusaid mat gusket váikkuhusčielggademiide.

    Ossodatdirektevra Øyvind Andreassen

  • Čáhcesekšuvdna

    Sekšuvdna galgá áimmahuššat luonddušláddjivuođa sáivačáziin ja ovddasvástidit čáhcehálddašeami, luondduluosaid ja amas šlájaid.

    Ossodatdirektevra Lindis Nerbø