Áhpe- ja nuoskkidanossodat

Dálkkádat- ja birasdepartemeanta

Ossodat vástida strategiija- ja politihkkaovddidan- ja hálddašanáššiid mat gusket áhpe-  ja davviguovlluide, nuoskkideapmái, birasmirkkuide, doapparhálddašeapmái (das maiddái mariidna nuoskkideapmi ja mikroplásta) ja birasáššiid mat gusket EES-, gávpe- ja investerenšiehtadusaide.

Ossodaga čuovvovaš sekšuvnnat:

  • Doappar- ja mariidna nuoskkidansekšuvdna

    Sekšuvnna ovddasvástádus leat riikkaidgaskasaš áššit, EO/EES-doaimmat ja nationála politihkkaovddideapmi mat gusket doapparsuorgái, dás plásta ja mariidna nuoskkideapmi, ja sirkulára-ekonomiija. Sekšuvdna vástida maid almmolaš sisaoastimiid birasgáibádusaid, geavaheddjiide guoskevaš birasáššiid ja birasmerkemiid.

    Sekšuvdnajođiheaddji: Ossodatdirektevra Pål Spillum

  • EES- ja gávpesekšuvdna

    Sekšuvnna váldoovddasvástádus lea departemeantta bealis čuovvulit EES-šiehtadusa, EFTA ja Davviriikkaid ministtarráđi, ja EES-ruđaid ja davviriikalaš ruhtadanásahusa NEFCO. Sekšuvnna ovddasvástádus lea maid gozihit ahte birasáššit čuovvuluvvojit gávpešiehtadusain, birasdiehtolágas, Århus-konvenšuvnnas ja stáhtadoarjagiin.

    Sekšuvdnajođiheaddji: Ossodatdirektevra Agnethe Dahl

  • Ealáhussekšuvdna

    Sekšuvnna ovddasvástádussii gullet riikkaidgaskasaš áššit, EO/EES-áššiid ja dat galgá maid ovddidit nationála politihka surggiid siskkobealde nugo dearvvašvuođa- ja birasváralaš kemikálat ja guhkesgaskkaid fievrriduvvon áibmonuoskkideamit. Sekšuvdna galgá erenoamážit ovddasvástidit nuoskkidanlága ja buvttadárkkistanlága ja dasa guoski láhkaásahusaid. Sekšuvdna ovddasvástida maid vahátlaš luoitimiid, ovdamearkka dihte industriijas, akvakultuvrras ja duolvačáhcerusttegiin ja rádioaktiivva suonjardeami guoskevaš birasváikkuhusaid Norggas.

    Sekšuvdnajođiheaddji: Ossodatdirektevra Ida Margrethe Juell

  • Áhpesekšuvdna

    Sekšuvnnas lea bajimuš ovddasvástádus Norgga mearraguovlluid ollislaš hálddašanplánain, mariidna luonddušláddjivuođa suodjaleames, ja mariidna birrasa nuoskkideames ja eará váikkuhusain. Sekšuvdna galgá maid vástidit riikkaidgaskasaš áhpebirasovttasbarggu ja čuovvulit suorgái guoskevaš riikkaidgaskasaš konvenšuvnnaid.

    Sekšuvdnajođiheaddji: Ossodatdirektevra Anja Elisenberg

  • Polára- ja davviguovlluidsekšuvdna

    Sekšuvnna ovddasvástádussii gullá ovddidit nationála politihka ja bargat riikkaidgaskasaččat áššiin mat gusket poláraguovlluid birasdillái. Sekšuvdna galgá erenoamážit ovddasvástidit luonddubirrasa hálddašeami Svalbárddas, Norgga polárainstituhta etáhtastivrejumi, Svalbárdda birasgáhttenfoandda ja Áššeolbmá birasgáhttendoaimmaid Svalbárddas. Sekšuvdna hálddaša stáhta eaiggátvuođa Kings Bay AS fitnodagas. Dutkanvuđot máhtu birrasa birra poláraguovlluin lea dehálaš váikkuhangaskaoapmi dan barggus.

    Sekšuvdnajođiheaddji: Ossodatdirektevra Aud Ingvild Slettemoen

Bajás